وزیر اعلیٰ پنجاب شہباز شریف کا کہنا ہے کہ سی پیک نےتیز رفتار ترقی اور خوشحالی کی بنیاد رکھ دی،سی پیک سےپاکستان سمیت پورا خطہ مستفید ہوگا۔
ایک بیان میں وزیراعلیٰ پنجاب محمد شہبازشریف کا کہنا ہے کہ قوم 46ارب ڈالر کی تاریخ ساز سرمایہ کاری پر چین کی شکرگزار ہے۔ان کا مزید کہناتھاکہ سی پیک منصوبوں پر جس تیز رفتاری سےکام ہو رہا ہے،اس کی مثال نہیں ملتی،توانائی سمیت کئی منصوبےتیزی سےتکمیل کی جانب گامزن ہیں ۔شہباز شریف نے کہا کہ سی پیک تاریخ کا دھارا موڑ دے گا، پاکستان کے20کروڑ عوام اس عظیم الشان منصوبےسےاستفادہ کریں گے۔وزیراعلیٰ نےدھند کےباعث حادثات میں قیمتی جانوں کےذیاں پر افسوس اور جاں بحق افراد کےلواحقین سے ہمدردی اور تعزیت کااظہار کیا ۔
انہوں نے حادثات میں زخمی ہونےوالوں کی جلد صحت یابی کیلئےدعا کی ہے اور ہدایت کی کہ زخمیوں کو بہترین طبی سہولتیں فراہم کی جائیں
