سیاسی بھونچال کے سٹاک مارکیٹ پر بھی منفی اثرات

کراچی: سیاسی بھونچال پاکستان سٹاک مارکیٹ کا انڈیکس لے گرا ۔ گزشتہ سال خطے کا بہترین حصص بازار رواں سال 13 فیصد گھٹ کر دنیا کی بدترین کارکردگی دکھانے والی شیئر مارکیٹ بن گئی۔ بلوم برگ کے جاری اعداد و شمار کے مطابق رواں سال کے آغاز سے سٹاک مارکیٹ کا انڈیکس 13 فیصد گھٹ کر 42 ہزار پوائنٹس سے بھی نیچے آگیا ، یعنی اگر سال کے آغاز پر کسی انویسٹرز نے شیئر بازار میں لاکھ روپے کی سرمایا کاری کی تھی تو وہ اب 87 ہزار روپے رہ گئی ہے۔ مارکیٹ نے 24 مئی 2017 کو 52 ہزار 876 پوائنٹس کی بلند ترین سطح کو چھوا تھا لیکن سیاسی ہلچل کے باعث انڈیکس گزشتہ 3 ماہ میں 20 فیصد گرگیا ۔ بروکرز کا کہنا ہے کہ سیاسی عدم استحکام سے انویسسٹرز میں بے چینی پائی جا رہی ہے ۔ اگر غیر یقینی صورتحال برقرار رہی تو 100 انڈیکس بھی زوال کا شکار رہے گا۔