لندن: انگلینڈ کے خلاف لارڈز ٹیسٹ کھیلنے کے لئے قومی ٹیم لندن پہنچ گئی، شاہین آج سے پریکٹس کا آغاز کریں گے، ،قومی ٹیم کے فزیو کلِف ڈیکن نے پہلے ٹیسٹ کیلئے محمد عامر کو فِٹ قرار دیا ہے۔ حسن علی کی شمولیت فٹنس سے مشروط ہے
انگلینڈ کے خلاف ٹیسٹ سیریز کا امتحان پاس کرنے کیلئے سرفراز الیون کی لندن آمد ہوگئی، گرین کیپس آج سے پریکٹس کا آغاز کریں گے۔ قومی ٹیم کے فزیو کلِف ڈیکن نے محمد عامر کو پہلے ٹیسٹ کیلئے فٹ قرار دیا ہے، حسن علی کی شمولیت فٹنس سے مشروط ہے۔
پاکستان اور انگلینڈ کے درمیان دو میچز کی سیریز کا پہلا ٹیسٹ چوبیس مئی سے شروع ہوگا، پاکستان 22 سال سے انگلش سرزمین پر ٹیسٹ سیریز نہیں جیت سکا ہے۔
