پاکستان میں دہشت گردی کے الزامات میں سزائے موت پانے والے بھارتی خفیہ ایجنسی کے ایجنٹ کل بھوشن جادیو کے مقدمے کی عالمی عدالت انصاف میں سماعت آج سے دوبارہ ہوگی۔
بھارت نے اس کیس میں گزشتہ روز اپنا جواب داخل کرا یا تھا۔ پاکستان دسمبر میں اپنا جواب داخل کرائے گا۔ عالمی عدالت انصاف میں اس سے پہلے 16 جون کو سماعت ہوئی تو بھارت نے اپنا جواب داخل کرانے کے لیے 6 ماہ کی مہلت مانگی جسے عدالت نے مسترد کردیا تھا۔ بھارتی وزارت خارجہ کے مطابق کل بھوشن کو قونصلر رسائی نہ دیے جانے سے متعلق تفصیلات عالمی عدالت انصاف سے شیئرکی گئی ہیں۔ دہشت گردی اور جاسوسی کے جرم میں کلبھوشن کو پاکستان کی فوجی عدالت نے 10 اپریل کو سزائے موت سنائی تھی۔ عالمی عدالت انصاف نے 15 مئی2017 کے فیصلے میں سزا پر عملدرآمد روکنے کا حکم دیا تھا۔
