بیس سالہ جرمن کھلاڑی رچرڈ گائیسکوٹ سے پہلا سیٹ ہار گئے، دوسرے اور تیسرے سیٹ میں کامیابی حاصل کر لی
لندن: ہال اوپن ٹینس ٹورنامنٹ کے فائنل میں جرمنی کے الیگزینڈر زیوروف اور سابق عالمی نمبر ایک راجر فیڈرر آج ٹائٹل کی جنگ لڑیں گے ۔ الیگزینڈر زیوروف نے رچرڈ گائیسکوٹ کے خلاف پہلا سیٹ ہارنے کے بعد ہمت نہیں ہاری ۔ بیس سالہ جرمن کھلاڑی نے دوسرا اور تیسرا سیٹ جیت کر ہال اوپن کے فائنل میں قدم رکھ دیئے ۔ الیگزینڈر زیوروف ٹائٹل میچ میں سابق عالمی نمبر ایک راجر فیڈرر سے نبرد آزما ہونگے ۔ سوئس ماسٹر نے سیمی فائنل میں روس کے کیرن کچانوف کو مات دی ۔ آٹھ بار کے چیمپئن راجر فیڈرر کی جیت کا سکور چھ چار اور سات چھ رہا۔
