لاہور (مانیٹرنگ ڈیسک) گذشتہ روز طیارہ حادثہ کا افسوسناک واقعہ اسلام آباد کے نواحی گاؤں میں پیش آیا تھا جس میں نامعلوم وجوہات کی بنا پر آرمی کا چھوٹے سائز کا تربیتی طیارہ آبادی پر گر کر تباہ ہو گیا۔ رات کے پچھلے پہر پیش آنے والے اس سانحہ میں مقامی آبادی کے 12افراد زخمی ہوئے جبکہ اتنے ہی جاں بحق ہو گئے۔ جبکہ آئی ایس پی آرکے مطابق طیارے پر سوار دو پائلٹ اور پانچ کریو ممبر شہید ہوئے ہیں جن میں لفٹیننٹ کرنل ثاقب،لفٹینٹ کرنل وسیم ،نائب صوبیدار افضل،حوالدار ابن امین اورحوالدار رحمت شامل ہیں۔،نائب صوبیدار محمد افضل کے لیہ کے رہائشی تھے۔انہوں نے سوگواران میں بیوہ اور چار بیٹیاں چھوڑی ہیں۔شہید محمد افضل لے اہل خانہ اور اہل محلہ نے بیٹے کی شہادت پر فخر کا اظہار کیا ہے۔محمد افضل کے والد کا کہنا ہے کہ مجھے اپنے بیٹے کی شہادت پر فخر ہے۔اس نے ملک کے لیے جان نچھاور کی جس کے لیے ہمیں اس پر فخر ہے۔محمد افضل کے اہل خانہ کا کہنا ہے کہ ان کو خود بھی آرمی میں جانے کا بہت شوق تھا اور اس سے بھی زیادہ شہید ہونے کا شوق تھا۔خیال رہے طیارہ کے ساتھ گذشتہ روز حادثہ پیش آیا تھا۔تھے۔ آئی ایس پی آر کے مطابق اسلام آباد کے نواحی گاؤں میں گرنے والا چھوٹا جہاز پاک آرمی کا تھا جو کہ معمول کی تربیتی پرواز پر تھا کہ اسے حادثہ پیش آ گیااور وہ گر کر تباہ ہو گیا۔ حادثے کی اطلاع ملنے کے فوراً بعد ریسکیو ٹیمیں موقعہ پر پہنچی تھیں جن میں آرمی کے دستے بھی شامل تھے۔زخمیوں اور جاں بحق ہونے والوں کو آرمی کے ہیلی کاپٹر پر اسلام آباد اور راولپنڈی کے ہسپتالوںمیں منتقل کیا گیا تھا۔ اس کے علاوہ مقامی ایمبولینس سروس پر بھی لوگوں کو ریسکیو کیا گیا ہے۔ عینی شاہدین کے مطابق طیارہ لڑکھڑاتے ہوئے گرا اور اس پر کئی لائٹس بھی روشن تھیں۔ آگ لگنے والے گھروں کو ریسکیو کرتے ہوئے آگ بجھا دی گئی تھی۔ علاقے کی بجلی منقطع کر دینے کی وجہ سے کافی حد تک ریسکیو ٹیموں کو مشکلات پیش آئی تھیں۔ ضلعی انتظامیہ نے اس حادثے میں19افراد کے جاں بحق ہونے کی تصدیق کی تھی جبکہ کئی زخمی بھی ابھی ہسپتال میں موت و حیات کی کشمکش میں مبتلا ہیں۔ تاہم جائے وقوعہ پر ریسکیو آپریشن مکمل ہو چکا ہے اور آگ بھی بجھا دی گئی۔
