اسلام آباد (مانیٹرنگ ڈیسک) ، الیکشن کمیشن کی جاری کردہ رپورٹ کے مطابق قومی اسمبلی کے 187 اراکین نے تاحال اثاثوں کی تفصیلات جمع نہیں کروائیں، 15 جنوری تک کی ڈیڈ لائن دے دی گئی۔تفصیلات کے مطابق الیکشن کمیشن آف پاکستان نے اثاثہ جات کی تفصیلات جمع نہ کروانے والی688ارکان پارلیمنٹ کو حتمی نوٹس جاری کر تے ہوئے واضح کیا ہے کہ 15جنوری تک اثاثوں کی تفصیل جمع نہ کروانے پر رکنیت معطل کردی جائیگی۔میڈیا رپورٹ کے مطابق سینیٹ کے 43،قومی اسمبلی کے 187ارکان نے تاحال اثاثوں کی تفصیل جمع نہیں کروائی۔ الیکشن کمیشن کے حکام کے مطابق پنجاب اسمبلی کے 258،سندھ اسمبلی کے 86ارکان نے اثاثوں کی تفصیل جمع نہیں کروائی،خیبرپختونخوا اسمبلی کے 80،بلوچستان اسمبلی کے 34ارکان نے اثاثوں کی تفصیل جمع نہیں کروائی،تفصیل جمع نہ کروانے والے 688ارکان کی رکنیت 16جنوری کو معطل کردی جائے گی۔تفصیلات جمع نہ کرانے والوں میں نورالحق قادری،شہریار آفریدی،نورعالم،مرتضی جاوید عباسی،زبیدہ جلال،اخترمینگل،نجیب ہارون،عبدالقادر پٹیل بھی شامل ہیں،جبکہ حنا ربانی کھر،ملک عامر ڈوگر،طارق بشیر چیمہ،احسن اقبال نے بھی اثاثوں کی تفصیل جمع نہیں کروائی۔ رپورٹ کے مطابق راجا پرویز اشرف،غلام سرور،طاہر صادق،خرم دستگیر،حسین الہٰی نے بھی تفصیل جمع نہیں کروائی،خورشید شاہ،ایاز شاہ شیرازی،نوید قمر،یوسف تالپور نے بھی تفصیلات جمع نہیں کروائیں,شاہد خاقان عباسی، شفقت محمود نے بھی اثاثوں کی تفصیلات جمع نہیں کروائی۔ اگر یہ تمام اراکین پارلیمنٹ مقررہ وقت تک اثاثوں کی تفصیلات جمع نہیں کرواتے، تو الیکشن کمیشن ان تمام اراکین پارلیمنٹ کو نااہل قرار دے دے گا۔رپورٹ کے مطابق راجا پرویز اشرف،غلام سرور،طاہر صادق،خرم دستگیر،حسین الہٰی نے بھی تفصیل جمع نہیں کروائی،خورشید شاہ،ایاز شاہ شیرازی،نوید قمر،یوسف تالپور نے بھی تفصیلات جمع نہیں کروائیں,شاہد خاقان عباسی، شفقت محمود نے بھی اثاثوں کی تفصیلات جمع نہیں کروائی۔
الیکشن کمیشن آف پاکستان نے تاحال اثاثوں کی تفصیلات جمع نہ کروانے والے 187 اراکین کو 15 جنوری تک مہلت دے دی
