امریکہ کے دفتر میں اس وقت جو شخص بیٹھا ہوا ہے اور دعوی کرتا ہے کہ وہ دہشت گردی کے خلاف لڑنا چاہتا ہے، مگر آج شام میں موجود تمام دہشت گرد امریکی حملے پر جشن منا رہے ہیں، آپ نے دہشت گرد گروہوں کی پہلے ہی قدم پرمدد کیوں کی ، شام میں ہونے والے مبینہ کیمیائی حملے کی آزادانہ تحقیقات ہونی چاہیے ،ایرانی صدر کا بیان
تہران (یس اردو نیوز)ایران کے صدر حسن روحانی نے کہا ہے کہ شامی اڈے پر امریکی حملے کی وجہ سے ‘دہشت گرد جشن منا رہے ہیں۔غیر ملکی میڈیا کے مطابق ایرانی صدر کا یہ بیان شام میں حملے پر روسی ردِعمل کے بعد سامنے آیا ہے۔سرکاری ٹی وی پر نشر ہونے والی تقریر میں صدر حسن روحانی نے کہا کہ امریکہ کے دفتر میں اس وقت جو شخص بیٹھا ہوا ہے اور دعوی کرتا ہے کہ وہ دہشت گردی کے خلاف لڑنا چاہتا ہے۔مگر آج شام میں موجود تمام دہشت گرد امریکی حملے پر جشن منا رہے ہیں۔انھوں نے سوال کیا کہ آپ نے دہشت گرد گروہوں کی پہلے ہی قدم پرمدد کیوں کی ایران کے صدر نے شام میں ہونے والے مبینہ کیمیائی حملے کی آزادانہ تحقیقات کا مطالبہ بھی کیا۔خیال رہے کہ شام کے معاملے پر روس اور ایران شامی صدر بشارالاسد کے حامی ہیں۔جمعے کو شام میں میزائل حملے کے نتیجے میں کم ازکم چھ افراد ہلاک ہوئے۔یہ حملہ بدھ کو ہونے والے حملے کے بعد ہوا ہے جو مبینہ طور پر کیمیائی حملہ تھا۔ اس حملے میں 89 افراد ہلاک ہوئے۔شامی فوج اس الزام کو مسترد کر رہی ہے کہ حملے میں کیمیائی مواد استعمال ہوا جبکہ شام کے اتحادی روس نے بغیر کسی ثبوت دیے یہ دعوی کیا ہے کہ حملے میں باغیوں کے ایک ٹھکانے کو نشانہ بنایا گیا جہاں وہ کیمیائی ہتھیار رکھتے تھے۔ادھر برطانوی وزیرِ خارجہ بورس جانسن نے ماسکو کا دورہ منسوخ کر دیا ہے۔ہفتے کو شام کے دارالحکومت دمشق اور دینا کے مختلف شہروں میں شام میں ہونے والے فضائی حملوں کے خلاد مظاہرے کیے گئے اور مطالبہ کیا گیا کہ شام کے خلاف امریکی جنگ نہیں ہونی چاہیے۔
