اسلام آباد(ایس ایم حسنین)قطر اور متحدہ عرب امارات میں طالبان کے سیاسی دفاتر کے بعد نئی پیشرفت سامنے آئی ہے۔ ایران میں افغان طالبان کے حامیوں کے سامنے آنے کے بعد ترکی کے شہر استنبول میں بھی طالبان کا پرچم لہرا دیا گیا ہے۔ عید الاضحی کی تعطیلات میں افغان سماجی رابطوں کی ویب سائٹوں پر ترکی میں متعدد طالبان حامیوں کی تصاویر شائع کی گئیں۔۔ان میں طالبان کے حامیوں کو طالبان کا پرچم اٹھائے اور اسے لہراتے دکھایا گیا ہے۔ تفصیلات کے مطابق طالبان کے حامیوں نے ایرانی دارالحکومت تہران کے باغات میں انتہا پسند مذہبی تنظیم کے جھنڈے اٹھائے اور ان کی تصاویر بنوائیں۔ حالانکہ طالبان افغانستان میں ایک آئنیی اور دستوری حکومت کے خلاف خونی جنگ لڑ رہے ہیں۔ افغانستان کی سول سوسائٹی نے سوشل میڈیا پر ترکی اورتہران میں طالبان کے جھنڈے لہرانے کے واقعے پر اپنی تشویش کا اظہار کیا ہے۔
ایران اورترکی میں طالبان کے حامیوں نے تحریک طالبان کا پرچم لہرا دیا، افغانستان میں تشویش کی لہر دوڑ گئی
