کے ایس اے: برجیس طاہر کشمیر کونسل کے فنڈز پت بیٹها ہوا ناگ ہے .نوید قمر/راجہ محبوب/کلیم خان. ریاست کشمیر کے وزیر اعظم کے خلاف نازیبا زبان استعمال کرنا کشمیریوں کی تذلیل ہے. کشمیری عوام سے معافی مانگے. کشمییر کونسل کے فنڈز سے لینٹ افسران کے ذریعے نوازا جا رہا ہے۔
وزیر امور کشمیر کو فوری تبدیل کیا جائے. کشمیر کے اندر بلوچستان جیسے حالات پیدا کیے جا رہے ہیں وزیر اعظم/آرمی چیف نوٹس لیں. جدہ . چئیرمین پی وائی او سعودی عرب سردار نوید قمر سینئر وائس چیئرمین راجہ محبوب طاہر اور سینٹرل میڈیا کو آرڈینیٹر نے اپنے مشترکہ بیان میں وزیر امور کشمیر برجیس طاہر کی وزیر اعظم آزاد حکومت ریاست جموں و کشمیر چوہدری عبدالمجید کے خلاف نازیبا زبان استعمال کرنے کی شدید مذمت کرتے ہوئے کہا ہے کہ وہ فی الفور وزیر اعظم اور ریاستی عوام سے معافی مانگے وگرنہ کشمیر میں داخلہ بند کر دیں گے ریاستی وزیر اعظم چوہدری عبدالمجید ایک منتخب وزیراعظم ہیں جنہیں نواز شریف نے بهی اپنا وزیراعظم تسلیم کیا ہے۔
انہوں نے کہا کہ کشمیر کونسل سفید ہاتھی ہے برجیس طاہر ایک کرپٹ انسان اور کرپٹ نظام کی پیداوار ہے اور کشمیر کونسل کے فنڈز پر بیٹھا ہوا ایک ناگ ہے ہم وزیر اعظم پاکستان میاں محمد نواز شریف اور اور آرمی چیف جنرل راحیل سے مطالبہ کرتے ہیں کہ کشمیر کے اندر کونسل کے فنڈز سے لینٹ افسران کے ذریعے مخصوص نوازشات کا نوٹس لیں. اور وزیر امور کشمیر کو تبدیل کریں. کشمیر کے اندر بلوچستان جیسے حالات پیدا کئے جا رہے ہیں جو وفاق کی سالمیت کے خلاف ہیں۔
