دبئی(ویب ڈیسک) قومی ٹیم کے سابق کپتان وسیم اکرم کرکٹ کے میدان میں کامیاب اننگز کھیلنے کے بعد اب اپنی اہلیہ شنیرا اکرم کے ساتھ اداکاری کے میدان میں قدم رکھنے جارہے ہیں۔میڈیا رپورٹس کے مطابق وسیم اکرم نے اداکاری میں قسمت آزمانے کا فیصلہ کیا ہے اور انہوں نے پاکستان کے نامور مزاحیہ اداکار فیصل قریشی کی ہدایت کاری میں بننے والی کامیڈی فلم ’’منی بیک گارنٹی‘‘سائن کی ہے جب کہ فیصل قریشی کی بھی بطور ہدایت کار یہ پہلی فلم ہے۔فلم’’منی بیک گارنٹی‘‘میں مرکزی کردار فواد خان اداکریں گے جب کہ میکال ذوالفقار وسیم اکرم اور شنیرا اکرم فلم میں مختصر کردار میں نظر آئیں گے۔
واضح رہے کہ اداکار فیصل قریشی نہ صرف فلم کی ہدایات دیں گے بلکہ فلم کی کہانی بھی انہوں نے ہی تحریر کی ہے اور فلم کے پروڈیوسر بھی وہ خود ہیں۔ فلم کی شوٹنگ کا آغاز اگلے ماہ نومبر کے پہلے ہفتے میں ہوگا جب کہ یہ فلم اگلے سال 2020 میں ریلیز کی جائے گی۔ رپورٹ کے مطابق فیصل قریشی نے فلم میں مرکزی کردار ادا کرنے کے لئے اداکار فواد خان کو قائل کررہے ہیں جبکہ خصوصی انٹری کے لیے اداکارہ مائرہ خان سے بھی رابطہ کیا جارہا ہے ۔ پاکستان ٹیلی وژن کے ڈرامہ سیریل ہمسفرسے شہرت حاصل کرنے والے نامور اداکار فواد خان پاکستان کی اگلی فلم “منی بیک گارنٹی” جو کامیڈی پر مشتمل ہے۔ اس فلم میں مرکزی کردار ادا کریں گے.اس سے پہلے فواد خان پاکستان کے کئی ڈراموں میں بھی کام کر چکے ہیں اور پاکستانی فلم “دی لیجنڈ آف مولا جٹ” میں بھی مرکزی کردار ادا کر چکے ہیں. تاہم ان کی فلم کچھ قانونی کارروائیوں کی وجہ سے ریلیز تو نہ ہو سکی لیکن جلد ہی فلم ریلیز کرنے کے امکانات ہیں. دی لیجنڈ آف مولا جٹ کا مداح بڑی بے صبری سے انتظار کر رہے ہیں. اس کے ساتھ ہی فواد خان بالی ووڈ میں بھی اپنی اداکاری کا جلوہ دکھا چکے ہیں.
