واشنگٹن …..برفانی طوفان امریکا کی مشرقی ساحلی علاقوں سےٹکراگیا ، طوفان کے باعث ہلاکتوں کی تعداد 19 ہوگئی،10 ہزار سے زائد پروازیں منسوخ کر دی گئیں ،آج اتوار کو شدید طوفان آنے کا امکان ظاہر کیا جارہا ہے ۔
امریکا میں برفانی طوفان کے باعث 11ریاستوں میں ایمرجنسی نافذ کردی گئی ہے ،واشنگٹن ڈی سی ، جارجیا ، ٹینیسی ، شمالی کیرولائنا، ورجینیا ، میری لینڈ اور پینسلوینیا سمیت 11ریاستوں میں ہنگامی حالت نافذ کردی گئی ،واشنگٹن کی میئر نے لوگوں کو گھروں میں رہنے کی ہدایت کی ہے ،برفانی طوفان سے ڈھائی لاکھ افراد بجلی سے محروم جبکہ ٹرانسپورٹ اور ٹرین سروس معطل کردی گئی ہےطوفان سے 8کروڑ سے زائد شہری متاثر ہوئے ہیں۔امریکی میڈیا کے مطابق برفانی طوفان اور تیز ہواوں کے خطرے کے پیش نظر 10 ہزار سے زائد پروازیں منسوخ اور متعدد ریاستوں میں ٹرانسپورٹ اور ٹرین سروس معطل کردی گئی ، طوفان کے باعث 8 کروڑ سے زائد افراد متاثر، ڈھائی لاکھ بجلی سے محروم ہوگئے ہیں جبکہ ٹریفک کا نظام درہم برہم ، سیکڑوں گاڑیاں پھنس گئیں ۔محکمہ موسمیات کا کہنا ہے کہ اتوار کے روز طوفان کی شدت زیادہ ہونے کا امکان ہے،جس کے باعث نیو یارک سٹی میں ڈھائی فٹ تک برفباری ہوسکتی ہے، نیویارک سٹی کے تمام پل اور سرنگیں بند ہو چکے ہیں جس کے باعث نیو یارک میں ایمرجنسی لگا کرگاڑیاں چلانے پر پابندی عائد کردی گئی ہے ۔ونائٹڈ ایئرلائنز نے پیر تک واشنگٹن کے لیے تمام پروازیں بند کردیں۔یونائیٹڈ ایئرلائنز کا اتوار کو نیویارک کے لیے محدود پروازیں چلانے کا فیصلہ کیا ہے
