شیخوپورہ(بیورورپورٹ)فیصل آباد روڈ پر کچی کوٹھی مانانوالہ کے نزدیک چار ڈاکوؤں نے لاہور کینٹ سے فیصل آباد کی طرف جانیوالے ایک کیری ڈبے کو روک کر اس میں سوار ایک شخص شجاعت حسین اور اس کی فیملی کو لاکھوں روپے مالیت کے زیورات کے علاوہ چار ہزار روپے اور دو موبائل فونز سے محروم کردیا اور فرار ہوگئے، علاقہ مشرقی پارک کے قریب تین ڈاکو مقامی شہری بختیار مظفر سے موٹر سائیکل چھین کر فرار ہوگئے، گاؤں مدار کے قریب دو ڈاکو اصغر علی سے موٹر سائیکل اور موبائل فون چھین کر فرار ہوگئے ، لاگر کے نزدیک دو ڈاکو زمیندار احسان علی سے ایک لاکھ روپے اور موبائل فون چھین کر لے گئے ، امامیہ کالونی میں مقامی شہری محمد اکرم کے گھر کے باہر سے اس کی موٹر سائیکل چوری ہوگئی، شرقپور روڈ پر ناظر لبانہ کے قریب تین ڈاکو نوجوان نوید احمد سے اس کی موٹر سائیکل ، چھ ہزار روپے اور موبائل فون چھین کر فرار ہو گئے، صدر فاروق آباد کے علاقہ پرانی مکی روڈ پر دو مسلح ڈاکوؤں نے ناکہ لگا کر محمد عباس وغیرہ متعدد راہگیروں کو نقدی، موبائل فون اور دیگر اشیاء سے محروم کردیا، تھانہ فیکٹری ایریا کی چوکی نور شاہ کے علاقہ جڑانوالہ روڈ پر چار مسلح ڈاکوؤں نے چار مردو خواتین سے نقدی، موبائل فونز ، طلائی زیورات اور دیگر سامان چھین لیا اور فرار ہوگئے، تھانہ صدر کے علاقہ پلی مدار والی پر دو مسلح ڈاکوؤں نے محمد فاروق سے 15ہزار روپے نقدی، تین موبائل فون اور نئی موٹر سائیکل چھین کر فرار ہوگئے، تھانہ سٹی فاروق آباد کے علاقہ پرانا نوکھر کے رہائشی رؤف احمد کے گھر کے تالے کاٹ کر چور نقدی اور قیمتی سامان لے اڑے، تھانہ سٹی اے ڈویژن کے علاقہ گھنگ روڈ گلی نمبر 13کے شمالی کے رہائشی محمد عمران کی موٹر سائیکل اس ک گھر کے باہر سے لیکر فرار ہوگئے۔
