لاہور (ویب ڈیسک) شعیب ملک کے گھر بیٹے کی ولادت پر میجرجنرل آصف غفور نے مبارک دی ۔ تفصیلات کے مطابق سماجی رابطوں کی ویب سائٹ ٹوئٹر پر انہوں نے پیغام جاری کیا کہ پیارے شعیب ملک اور ثانیہ مرزا آپ دونوں کو بطے کی ولادت پر بہت بہت مبار ک ہو ۔
انہوں نے دونوں کے لیے نیک خواہشات کا اظہا ر بھی کیا۔ واضح رہے کہ پاکستان کے نامور کرکٹر شعیب ملک کے گھر بیٹے نے جنم لیا ہے جس کی اطلاع انہوں نے اپنے ٹوئٹر اکاؤنٹ کے ذریعے تمام فینز کو دی۔سماجی رابطے کی ویب سائٹ ٹوئٹر پر شعیب ملک نے بتایا کہ وہ کافی پرجوش ہیں، ان کے ہاں لڑکے کی پیدائش ہوئی ہے۔کھلاڑی نے اپنی اہلیہ کی صحت کے متعلق بھی بتایا کہ وہ بھی بالکل ٹھیک ہیں۔شعیب ملک نے اپنے دوستوں اور مداحوں کا شکریہ بھی ادا کیا۔ان کی ٹویٹ کے بعد کئی دیگر کھلاڑیوں اور انٹرٹینمنٹ انڈسٹری سے تعلق رکھنے والے افراد نے مبارکبادیں دینا بھی شروع کردی۔فاسٹ باؤلر محمد عامر نے بھی شعیب ملک کو اس خوشی کی مبارکباد دی۔ اس موقع پر اداکارہ ماورا حسین نے بھی ٹویٹ کی. شعیب ملک نے تاحال اپنے بیٹے کی کوئی تصویر سوشل میڈیا پر شیئر نہیں کی۔خیال رہے کہ شعیب ملک اور ثانیہ مرزا نے 8 سال قبل اپریل 2010 میں شادی کی تھی۔شادی کے بعد دونوں نے مشترکہ طور پر دبئی میں رہنے کا فیصلہ کیا تھا، تاہم دونوں نے کئی دن بھارت اور پاکستان میں بھی ایک ساتھ گزارے۔دونوں کی بطور جوڑا مستقل رہائش گاہ اگرچہ دبئی میں ہی ہے،
تاہم اپنے اپنے پروفیشن کی مصروفیات کے باعث شعیب اور ثانیہ زیادہ تر اپنے اپنے ممالک میں رہتے ہیں۔واضح رہے کہ ثانیہ مرزا نے رواں سال یہ بھی اعلان کیا تھا کہ وہ اور شعیب ملک اپنے بچوں کے ناموں کے ساتھ ’مرزا ملک‘ لگائیں گے۔اور یہی وجہ ہے کہ شعیب ملک نے بھی اپنے بیٹے کے لیے ’بے بی مرزا ملک‘ کا ہیش ٹیگ استعمال کیا۔
شعیب ملک اور ثانیہ مرزا کہ ہاں بیٹے کی آمد، میجر جنرل آصف غفور نے ایسا پیغام جاری کر دیا کہ دونوں خوش ہوگئے
