پیرس : شیخ رشید احمد کےاعزاز میں پاکستان تحریک انصاف فرانس کی سینئر اوورسیز لیڈر شپ کی طرف سے پروقار عشائیہ، شیخ رشید احمد کا پرجوش خطاب حکومت کو شدید تنقید کا نشانہ بنایا
پیرس (یس اردو نیوز)فرزند راولپنڈی سربراہ عوامی مسلم لیگ جناب شیخ رشید احمد جو آج شام لندن سے پیرس خصوصی دورے پر ہنچے ہیں ۔ ان کے اعزاز میں لاپیلس ریسٹورنٹ میں پی ٹی آئی و راہنمائوں کی طرف سے پروقار عشائیہ دیا گیا ،تقریب میں تحریک انصاف فرانس کی اعلی قیادت سمیت تمام شعبہ زندگی سے تعلق رکھنے والے پاکستانیوں نے شرکت کی ۔ بڑی تعداد میں خواتین حضرات ،،صحافیوں ، سیاسی و سماجی شخصیات نے شرکت کی ۔.
تقریب کاآغازتحریک انصاف کے سینئر راہنما یاسر قدیر کے خیر مقدمی کلمات سے ہوا انہوں نے اپنے معزز مہمان اور پاکستان سیاست کے معروف ترین سیاستدان شیخ رشید احمد کو بھرپور اپوزیشن کا کردار ادا کرنے پر شاندار خراج تحسین پیش کیا ۔ یاسر قدیر نے ناظم ممبر کے فرائض انجام دیئے۔ تقریب سےتحریک انصاف پیرس کے راہنمائوں گلزار لنگڑیال، یاسر اقبال، منور جٹ و دیگر نے خطاب کیا ۔
تقریب سے خطاب کرتے ہوئے شیخ رشید احمد نے حکومت کو شدید تنقید کانشانہ بناتے ہوئے کہا کہ وہ شریفوں کے احتساب میں آخری حد تک جائینگے اور حدیبیہ ملز کیس کے فیصلے تک چین سے نہیں بیٹھیں گے۔ انہوں نے معزز جوڈیشری کے کردار کو سراہا اور کہا کہ شریفوں نے ججز پر تنقید کر کے اور انہیں دھمکیاں دے کر نئی روائت کا آغاز کیا ہے اور وہ جانتے ہیں کہ شریف فیملی سیاسی سسٹم کو ڈیل ریل کرنا چاہتی ہے یہی وجہ ہے کہ وہ لوگ نریندر مودی سے مراسم بڑھا رہے ہیں ۔
انہوں نے شہدائے ماڈل ٹائون کا بھی ذکر کیا اور ان کو انصف دلانے کا عہد کرتے ہوئے کہا کہ ن لیگ والے شہدائے ماڈل ٹائون پر ہونے والے ایک ایک ظلم کا حساب دیں گے اور اللہ کا نظام انصاف انہیں ضرور کیفر کردار تک پہنچائے گا۔
رنگا رنگ تقریب کے انتظامی معاملات تحریک انصاف فرانس کے سینئر رہنما یاسر خان نے انجام دیئے ہیں جنہوں نے نہ صرف آج کی تقریب کااہتمام کیا بلکہ شیخ رشید احمد کو دورہ پیرس کی خصوصی دعوت بھی دی جو انہوں نے قبول کی اورتشریف لے آئے۔
