بارسلونا(یس ڈیسک)سوشلسٹ رہنما اور معروف سماجی شخصیت حافظ عبدالرزاق صادق 27 ستمبر کو ہو نے والے کاتالان پارلیمنٹ کے انتخابات میں سوشلسٹ پارٹی کی جانب سے حصہ لیں گے ،حافظ عبدالرزاق صادق کو سوشلسٹ پارٹی کی انتخابی فہرست میں جگہ ملنے پر دلی مبار ک بادپیش کرتے ہیں،ان خیالات کا اظہار ادب دوست شخصیت چوہدری شاہد لطیف گجرنے کیا۔ حافظ عبدالرزاق صادق چوہدری شاہد لطیف گجر کے قریبی دوستو ں میں شمار ہو تے ہیں ، شاہد لطیف گجر نے کہا کہ حافظ عبدالرزاق صادق کی انتخابی مہم بھی ہم چلائیں گے۔اور اس کے لئے پاکستانی کمیونٹی کی کارنر میٹنگز اور سوشلسٹ پارٹی کے بڑے جلسوں میں پاکستانیو ں کی بڑی تعداد کے ساتھ شرکت کی جا ئے گی ۔
یاد رہے گزشتہ روز سوشلسٹ پارٹی نے ستمبر 2015 میں ہو نے والے کاتالان پارلیمنٹ کے انتخابات میں حصہ لینے والو ں کی فہرست جاری کی ہے اور پارٹی کی جانب سے آفیشل فو ٹو بھی جاری کیا گیا ہے ، انتخابات میں حصہ لینے والو ں کی فہرست میں پاکستانی حافظ عبدالرزاق صادق 23 ویں نمبر پر ہیں ۔ یہ فہرست ڈویژن بارسلونا کی جاری کی گئی ہے جس میں کاتالان پارلیمنٹ میں 85 سیٹیں ہیں کاتالان پارلیمنٹ کی کل دوسرے ڈویژن ملا کر 135سیٹیں ہیں ۔
