اسلام آباد(یس اردو نیوز) وزیرخارجہ شاہ محمود قریشی نے صحتیابی کے بعد وزارت خارجہ میں باقاعدہ اپنی ذمہ داریاں سنبھال لیں۔ وزارت خارجہ آمد پر سیکرٹری خارجہ سہیل محمود اوردیگراعلیٰ حکام نے ان کا استقبال کیا اور انھیں گلدستہ پیش کیا۔ واضح رہے کہ وزیر خارجہ شاہ محمودقریشی3 جولائی کو کورونا وائرس کا شکار ہونے کے بعد سے قرنطینہ میں چلے گئے اور گھر سے ہی اپنی منصبی ذمہ داریاں ادا کر رہے تھے۔ تاہم آج وزیر خارجہ شاہ محمودقریشی نے کورونا کوشکست دے دی اور صحت یاب ہو کر دوبارہ ذمہ داریاں سنھبال لیں۔ انھوں نے سماجی رابطے کی ویب سائٹ ٹوئٹر پر اپنے پیغام میں کہا کہ میں خوش قسمت ہوں جو آج اپنے دفتر واپس آگیا ہوں۔ واضح رہے کہ وزیرخارجہ شاہ محمود قریشی نے 3 جولائی کو کوروناکی علامات کے سبب خود کو قرنطینہ کرلیا تھا جبکہ بعد اذاں انھوں نے تصدیق کی تھی کہ میرا کورونا ٹیسٹ مثبت آگیا ہے ۔وزیرخارجہ کو بعدازاں ملٹری ہسپتال منتقل کیا گیا جہاں سے وہ 14 جولائی کو ڈسچارج ہوکر گھر شفٹ ہوئے تھے۔
Thank you all for your good wishes and support. I am fortunate to be back in office today post #COVID. I pay tribute to Pakistan’s healthcare and frontline workers for being our backbone in the fight against this pandemic with unyielding commitment and dedication. I salute you.
— Shah Mahmood Qureshi (@SMQureshiPTI) July 17, 2020
