ننکانہ صاحب(نمائندہ یس اُردو)خالصتان اٹل حقیقت ہے بہت جلد دنیا کے نقشے پر یہ ملک ہوگا اور سردار مستان سنگھ بھارتی خفیہ ایجنسی راء کیلئے کام کررہا ہے اور سکھ قوم اس بات کی شدید الفاظ میں مذمت کرتی ہے سردار گوپال سنگھ چاولہ ۔ تفصیلات کے مطابق گوردوارہ جنم استھان میں پریس کانفرنس سے خطاب کرتے ہوئے سردار شام سنگھ اور سردار گوپال سنگھ چاولہ جنرل سیکرٹری پاکستان سکھ گوردوارہ پربندھک کمیٹی ، چےئر مین پنجابی سکھ سنگت نے کہا کہ سنت جرنیل سنگھ بھنڈرانوالہ کے جنم دن کی تقریبات کو سبوتاژ کرنے والے لوگوں اور اس واقعہ کی شدید الفاظ میں مذمت کرتے ہیں انہوں نے کہا کہ جب سے پاکستان سکھ گوردوارہ پر بندھک کمیٹی جب سے وجود میں آئی ہے اسی دن سے کبھی بھی بھارت کی خفیہ ایجنسی راء کے زیر سایہ قائم شرومنی گوردو ارہ پر بندھک کمیٹی امرتسر نے کبھی بھی تسلیم نہیں کیا اور وہ لوگ بھی جو پاکستان میں شرومنی گوردوارہ پر بندھک کمیٹی کے حمایت یافتہ ہیں اس کے وجود کو تسلیم نہیں کرتے انہوں نے کہا کہ پاکستان میں موجو د ایس جی پی سی اپنے لوگوں کو سالانہ لاکھوں روپے چندہ دیتی ہے اور پاکستان میں ان سے کام لیتی ہے انہوں نے کہا کہ سردار مستان سنگھ کا بیٹا اور ان کا بیٹا سردار دلاور سنگھ اپنے ساتھیوں کیساتھ مل کر شرومنی کے اعزائم کو عملی جامعہ پہنا رہے ہیں جس کی ہم شدید الفاظ میں مذمت کرتے ہیں انہوں نے مزید کہاکہ بہت جلد پی ایس جی پی سی کا اجلاس طلب کرکے اس واقعہ کا سختی سے نوٹس لیا جائیگا او ر ایسا لائحہ عمل بنایا جائیگا تاکہ آئندہ کوئی بھی ایسی حرکت کرنے کی جرات نہ کرسکے خالصتان اٹل حقیقت ہے اور بہت جلد دنیا کے نقشے پر خالصتان علیحدہ ملک بن کر سامنے آئیگا سردار گو پال سنگھ چاولہ نے حکومت پاکستان سے اپیل کرتے ہوئے کہا کہ سکھوں کے مذہبی تہواروں کو صرف ایک شخص خراب کررہا ہے لہذا سزا بھی اسی شخص کو ملنی چاہیے جبکہ پوری سنگت محب وطن ہے اور پاکستان کے ساتھ ہے لہذا اس واقعہ کی فل الفور تحقیقات کروائی جائیں اور میں یہ بات دعویٰ سے کہتا ہوں کہ جس دن مستان سنگھ کی حقیقت سکھ قوم کے سامنے آئیگی تو کوئی بھی اس کا ہمراہی نہ ہوگا ۔
