ریال میڈرڈ اور فورنٹینا کے درمیان میچ میں رونالڈو کے خوبصورت گول نے ان کی ٹیم کی جیت میں اہم کردار ادا کیا
روم: ریفری کو دھکا دینے پر پانچ میچوں کی پابندی کا شکار کرسٹیانو رونالڈو نے دوستانہ مقابلے میں دھوم مچا دی۔ ایک خوبصورت گول کی بدولت ریال میڈرڈ کو اطالوی کلب کے خلاف دو ایک کی فتح دلا دی۔ اٹلی کے مقامی کلب فیورنٹینا کا دوستانہ میچ میں ریال میڈرڈ سے جوڑ پڑا۔ انیس سو ستاون میں ریال میڈرڈ کے دوسرا یورپین کپ جیتنے کے ساٹھویں سال یادگاری میچ کھیلا گیا۔ ریفری کو دھکا دینے پر پانچ میچوں کی پابندی کا شکار سپر سٹار کرسٹیانو رونالڈو بھی اِن ایکشن ہوئے۔ اطالوی ٹیم کے مڈفیلڈر جورڈن وریٹوٹ نے ٹیم کو برتری دلائی۔ پرستاروں کی توجہ کا مرکز کرسٹیانو رونالڈو نے کمال دکھایا، خوبصورت گول داغا جس سے سکور ایک ایک کی برابری پر آگیا۔ ریال میڈرڈ کے بورجا مایورال کے گول سے ٹیم کو دو ایک سے آگے کر دیا۔ اسی اضافے پر میچ کا اختتام ہوا۔
