شیخوپورہ (زاہد اعوان )شہر اور گرد و نواح میں ڈکیتی چوری اور راہزنی کی وارداتیں جاری ہیں ، پیر کوٹ میں زمیندار محمد حسین کے گھر میں چار مسلح افرا د داخل ہو کر اہلخانہ سے لاکھوں روپے مالیت کے زیورات اور نقدی چھین کر فرار ہوگئے، لاہور روڈ پر کوٹ عبدالمالک کے قریب تین ڈاکوؤں نے نوجوان محمد ہاشم سے اسکی موٹر سائیکل ، موبائل فونز اورتین ہزار روپے چھین لئے، شرقپور روڈ پر منڈیانوالہ کے نزدیک دو ڈاکوؤں نے ایک کیری ڈبہ کو روک کر اس میں سوار محمد عمران اور اس کی فیملی سے کئی لاکھ روپے مالیت کے زیورات اور تین ہزار روپے چھین لئے، لاگر روڈپر سٹاف چوڑہ شاہ کے قریب دو ڈاکوؤں نے ایک موٹر سائیکل روک لیا اور اس پر سوار نوجوان زمیندار وقاص احمد اور اسکی اہلیہ سے زیورات کے علاوہ چار ہزار روپے چھین لئے اور فرار ہوگئے، تھانہ صفدرآباد کے علاقہ رتی ٹبی میں نامعلوم چور محمد عمیر کے گھر کے باہر سے اس کی موٹرسائیکل چوری کرکے لے گئے ۔آبادی لیاقت آباد سے بھی چوروں کا گروہ محمد شفیق کی موٹرسائیکل چوری کرکے لے گئے ۔مانانوالہ کے علاقہ عیدگاہ کے باہر سے نامعلوم چور شہری محمد ابرار کی موٹرسائیکل چوری کرکے لے گئے ۔سٹی فاروق آباد کے علاقہ گلی بابر قریشی والی سے چوروں کا گروہ چودھری طاہر کی موٹرسائیکل لے اڑے ۔ آباد عمونکی میں دوخواتین نے اپنے چار ساتھیوں کے ہمراہ رمشہ بی بی کے گھر داخل ہوکر اسے تشدد کا نشانہ بنانے کے بعد وہاں سے نقدی اور زیورات لوٹ کرفرار ہوگئے
