شیخوپورہ( زاہد اعوان)شہر اور اسکے نواحی علاقوں میں ڈکیتی، چوری، راہزنی اور نقب زنی کی وارداتیں جاری ہیں، جی ٹی روڈ کی آبادی فیروزوالہ کے قریب تین ڈاکوؤں نے مزاحمت کر پر فائرنگ کرکے دکاندار ناصر علی کو گولی مار کر شدید زخمی کردیا اور وہاں سے بھاری مالیت کا کیش اور قیمتی موبائل فونز چھین کر فرار ہوگئے،عید گاہ روڈ مانانوالہ میں چار ڈاکو مقامی شہری عبدالرحمن سے 48ہزار روپے اور دو موبائل فون چھین کر فرار ہوگئے، لاہور روڈ پر خانپور کے نزدیک ناکہ لگا کر کھڑے 8ڈاکوؤں نے لاہور سے فاروق آباد جانیوالی کار کو روک کر اس میں سوار آصف علی اور اس کے ساتھی نذیر احمد سے 1لاکھ 84ہزار روپے اور دو موبائل فون چھین لئے، گاؤں پھیریانوالہ میں چار ڈاکو زمیندار محمد اسلم سے موٹر سائیکل اور 25ہزار روپے چھین کر فرار ہوگئے، شرقپور خورد کے نزدیک تین ڈاکو نوجوان محمد ماجد سے 45ہزار روپے لوٹ کر فرار ہوگئے، محلہ رسول نگر میں نوجوان محمد سلیمان کی موٹر سائیکل گھر کے باہر سے چوری ہوگئی، حافظ آباد روڈ پر گاؤں کیلے کے قریب چار مسلح ڈاکوؤں نے رانا اصٖغر اور اس کی فیملی سے اس وقت گن پوائنٹ پر 70ہزار روپے نقدی ، لاکھوں روپے مالیت کے طلائی زیورات اور موبائل فون چھین لئے جب وہ کار پر سوار ہو کر حافظ آباد سے شیخوپورہ آرہے تھے، تھانہ صفدر آباد کے علاقہ چک 295میں پانچ مسلح ڈاکوؤں نے سرفراز سے گن پوائنٹ پر لاکھو ں روپے مالیت کے 17بکرے چھین لئے اور فرار ہوگئے،تھانہ سٹی اے ڈویژن کے علاقہ موبائل مارکیٹ سے نامعلوم چور نوجوان سجاد کی موٹر سائیکل چوری کرکے فرار ہوگئے ، بھکھی روڈ سے نامعلوم چور محمد انور کی موٹر سائیکل لے اڑے،تھانہ سٹی مرید کے کے علاقہ محلہ کمہار پورہ سے چوروں نے رانا طیب کی موٹرسائیکل چوری کرلی اور فرار ہوگئے۔
