الریاض (وقار نسیم وامق) معروف ادبی ،سماجی و ثقافتی تنظیم بزمِ ریاض کا پہلا یومِ تاسیس نہایت تزک و احتشام سے منایا گیا، سفارت خانہ پاکستان کے تین اعلیٰ افسران کمیونٹی ویلفیئر اتاشی کیپٹن (ر)سید حماد عابد، کمرشل اتاشی وسیم حیات باجوہ، ائیر اینڈ نیول اتاشی گروپ کیپٹن ابراہیم اسد اور معروف قلمکار جاوید اختر جاوید کا الوداعیہ بھی اس تقریب کا حصہ تھی، تقریب کا اہتمام ریاض کے وسیع و عریض انٹرنیشنل ایکوسٹرین سکول اینڈ کلب میں کیا گیا تھا جہاں پاکستانی کمیونٹی کے مختلف طبقہ ء ہائے فکر کے خواتین و حضرات کی ایک بہت بڑی تعداد موجود تھی۔
