لاہور : فاسٹ بائولر محمد عرفان اور راحت علی مکمل فٹ نہ ہو سکے۔ سری لنکا کے خلاف ون ڈے سیریز میں شرکت مشکوک ہو گئی۔
آخری بار ورلڈ کپ میں ان ایکشن ہونےوالے محمد عرفان اور دورہ بنگلہ دیش میں انجری کے شکار راحت علی کی فٹنس کے حوالے سے تاحال کوئی راحت کی خبر نہیں ہے۔
دونوں کھلاڑی ٹریننگ تو کر رہے ہیں لیکن اتنے فٹ نہیں کہ سری لنکا کے خلاف ون ڈے سیریز میں میدان میں اتر سکیں۔ قد آور فاسٹ بائولر محمد عرفان کی فٹنس میں بہتری تو آئی ہے لیکن سلیکٹرز فیصل آباد میں ہونے والی رمضان کرکٹ میں ان کا جائزہ لینا چاہتے ہیں۔
فٹنس کا مسلہ محمد عرفان کے لئے نیا نہیں اور سلیکٹرز ان کی مکمل فٹنس تک ون ڈے سکواڈ میں ڈالنے کا خطرہ نہیں لینا چاہتے۔ لیکن ٹی ٹونٹی سیریز میں محمد عرفان کی شرکت کے امکانات کافی حد تک روشن ہیں۔
دورہ بنگلہ دیش میں ان فٹ ہونے والے راحت علی بھی مکمل فٹ ہونے کی کوشش میں ہیں دونوں فاسٹ بائولر کولہے میں درد کی وجہ سے فٹنس مسائل کا شکار ہیں۔
