بالی وڈ کا ’رئیس‘ سو کروڑ کا چھکا لگانے کے لیے تیار ہے،فلم کا 5دن کا بزنس 93کروڑ روپے ہوگیا ، جبکہ ریتھک روشن کی فلم ’قابل‘ کا اسکور 67کروڑ روپے ہوگیا تاہم اس کا اسکور ابھی جاری ہے۔
بالی ووڈ کے کنگ خان اور پاکستان کی معروف اداکار ہ ماہرہ خان کی تھرل اور ایکشن سے بھرپور فلم ’رئیس‘ باکس آفس پر دھماکے دار انٹری دینے کے بعداب سو کروڑ کلب میں شامل ہونے کو تیار ہے۔ ماہرہ اور شاہ رخ کی اداکاری شائقین کو بھا گئی، اس فلم نے جہاں شائقین کو اپنا دیوانہ بنا دیا ہے وہیں 5 دنوں میں 93اعشاریہ 24کروڑروپے کا بزنس کرلیا ہے۔ فلم میں ماہرہ خان پہلی بار بالی ووڈ کے کنگ خان کے ساتھ مرکزی کردار ادا کر رہی ہیں جبکہ نواز الدین صدیقی بھی مرکزی کردار میں اپنی اداکاری کے جوہر دکھاتے نظر آئیں گے۔ اس فلم کی کہانی عبد اللطیف نامی ڈان کے زندگی پر بنائی گئی ہے جس کی کاسٹ میں محمد ذیشان ایوب، روپندر نگرا، آریا بابر، گووندنمدیو اور انیل منگے بھی شامل ہیں۔
