اسلام آباد: (یس اردو نیوز) پاکستان پیپلز پارٹی کے چئیرمین بلاول بھٹو زرداری نے اپنے بیان میں الزام عائد کیا ہے کہ پی ٹٰی آئی کا ایجنڈا تعلیم دشمن ہے۔ اس کے اقدامات سے اکثر یونیورسٹیوں کو بندش کا سامنا کرنا پڑ سکتا ہے۔ بلاول بھٹو زرداری نے اپنے ٹویٹر پیغام میں کہا کہ پی ٹی آئی کے ہائر ایجوکیشن کے فنڈز پر حملے وبا کے دنوں میں میڈیکل یونیورسٹیوں کیلئے برے نتائج لائیں گے۔ میڈیکل یونیورسٹیاں کورونا وائرس کے خلاف اگلے محاذوں پر جدوجہد کر رہی ہیں۔
This means students fees will continue to shoot up & staff salaries will be cut, eventually some universities will be forced to shut. Shame on PTIs anti education agenda. They haven’t even botherd to suppor medical universities & teaching hospitals during a global pandemic. 2/2
— BilawalBhuttoZardari (@BBhuttoZardari) July 7, 2020
ان کا کہنا تھا کہ پی ٹی آئی نے گزشتہ بجٹ میں ہائر ایجوکیشن کے فنڈز میں کمی کی جبکہ موجودہ بجٹ میں بھی اس میں اضافے سے انکار کیا۔ اس کے اقدام کے بعد یونیورسٹی ملازمین کی تنخواہوں میں کمی اور طلبہ کی فیسوں میں اضافہ ہوگا۔ چیئرمین پیپلز پارٹی نے کہا کہ پی ٹی آئی کے اقدامات کے بعد اکثر یونیورسٹیوں کو بندش کا سامنا کرنا پڑ سکتا ہے۔ عالمی وبا کے دنوں میں پی ٹی آئی کو اتنی غیرت نہیں آئی کہ وہ ٹیچنگ سپتالوں اور میڈیکل یونیورسٹیوں کو سپورٹ کرے۔
