فیصل آباد: فیصل آباد میں مسلم لیگ (ن) اور پی ٹی آئی کی سیاسی پوزیشن کیا ہے ؟ عوامی سروے میں دودھ کا دودھ اور پانی کا پانی ہو گیا۔
فصیلات کے مطابق نجی ٹی وی چینل کے اینکر منصورعلی خان نے سروے کے دوران مختلف علاقوں میں جا کر عوام سے رائے لی ۔ ایک شہری سے انتخابات 2018 میں مسلم لیگ ن اور پی ٹی آئی کی سیاسی پوزیشن کے متعلق پوچھا گیا تو شہری نے پی ٹی آئی کی سیاسی پوزیشن کو بہتر قرار دیا ۔ انہوں نے کہا کہ ن لیگ کا سیاسی مستقبل ختم ہو چکا ہے ۔ شہری نے ن لیگی قیادت سے شکو ہ کیا کہ 5 سال میں کوئی کام نہیں کروایا گیا لیکن الیکشن نزدیک آتے ہی وہی جھوٹے دعوے کیے جا رہے ہیں ۔ ایک اور شہری سے جب یہی سوال پوچھا گیا تو اس نے کہا کہ الیکشن 2018 میں پی ٹی آئی ہی کامیاب ہو گی کیونکہ ن لیگ میں فیصل آباد میں کوئی کام نہیں کروایا۔ انہوں نے کہا کہ عمران خان ا س لیے کامیاب ہونگے کیونکہ انہوں نے اس قوم کو شعور دیا ہے ۔ اور اچھے اور برے سیاستدانوں میں تمیز کرنا سکھایا ہے ۔ شہری کا کہنا تھا کہ عمران خان نے ثابت کیا ہے کہ پاکستان کی سابق حکمران کرپٹ تھے۔ جبکہ دوسری جانب مسلم لیگ (ن) کے سابق ایم پی اے چوہدری عبدالغفور نے ن لیگ سے باضابطہ لاتعلقی کااعلان کرتے ہوئے کہاکہ ( ن) لیگی قیادت نے اداروں سے ظلم کیا انہیں برباد کیا۔
لاہور پریس کلب میں پریس کانفرنس کرتے ہوئے سابق صوبائی وزیر عبدالغفور میو نے کہا کہ (ن) لیگ میں ٹکٹوں کی خریدو فروخت ہو رہی ہے۔لینڈ مافیا ،کرپٹ افراد کو ٹکٹ دیے جا رہے ہیں۔انہوں نے کہا کہ ملک کا تین مرتبہ وزیر اعظم بننے والا پاکستان کے قومی اداروں کو تباہ کرنا چاہتا ہے ،ایسے انقلاب آئے گا۔انہوںنے کہاکہ تین مرتبہ وزیر اعظم رہنے والے شخص نے اداروں کے خلاف ہرزہ رسائی کی اور عالمی سطح پر ملک کو بدنام کیا۔انہوں نے کہاکہ شریف خاندان کا کوئی نہ کوئی فرد مشرف سے ملتا تھا، سب جانتے ہیں مشرف دور کے سامنے ڈٹ کر کون کھڑا رہا، ن لیگ قیادت نے انکار کیا تو میں بتاﺅں گا مشرف سے جاکر کون ملتا تھا۔انہوں نے کہا کہ ٹکٹ ہولڈر کرپٹ لوگوں کی حقیقت عوام کو بتاﺅں گا۔ا نہوںنے کہاکہ مشرف دور میں کوئی مائی کا لعل باہر نکلنے کو تیار نہیں تھا، ہم نے قربانیاں دیں لیکن ماروی میمن، دانیال عزیز اور طلال چودھری جیسے لوگ جو مشرف کیساتھ تھے، انہیں وزیر بنایا گیا۔انہوں نے کہاکہ نواز شریف اور شہباز شریف کو غلط فیصلوں سے روکا تھا۔چوہدری عبدالغفور نے کہا کہ ن لیگ چھوڑ کر کسی جماعت میں نہیں جاﺅں گا، جتنی عمر باقی ہے پاکستان اور اداروں کے ساتھ ہوں، عوام ملک کے اداروں کو کمزور نہیں ہونے دے گی۔
