شارجہ……….تمیم اقبال کی شاندار بیٹنگ کی بدولت پاکستان سُپرلیگ میں شاہد آفریدی کی پشاور زلمی نے مصباح الحق کی اسلام آبا یونائیٹڈ کو7 وکٹ سے ہرادیا۔
شارجہ میں کھیلے گئے میچ میں اسلام آبا یونائیٹڈ نے پہلے بیٹنگ کی ۔ شین واٹسن زیادہ بڑی اننگز نہ کھیل سکے ، وہ 19 رنز بناکر پویلین پہنچے۔ شرجیل خان اور خالد لطیف کے درمیان 46رنز کی شراکت ہوئی، شرجیل نے 28 رنز اسکور کیے۔ کپتان مصباح الحق نے خالد لطیف کا بھرپو ر ساتھ دیا، دونوں نے57 رنز کی صورت میں اننگز کی سب سے بڑی شراکت قائم کی، مصباح الحق 32 اور خالد لطیف 59رنز بناکر آؤٹ ہوئے، اسلام آبا یونائیٹڈ کا اسکور چھ وکٹ پر 152رنز رہا۔ جواب میں پشاور زلمی کے اوپنر تمیم اقبال نے ساتھی کھلاڑیوں کے آؤٹ ہونے کی کوئی پرواہ نہیں کی اور جارحانہ اندا ز سے بیٹنگ کرتے رہے۔ محمد حفیظ 25، ایلن بائے 7 اور کامران اکمل 10رنز بناکر آؤٹ ہوئے، جس کے بعد شاہد یوسف اور تمیم اقبال نے مزید کوئی وکٹ گنوائے عمدگی سے کھیلا۔ تمیم نے ناقابل شکست 80 اور شاہد یوسف نے 27 رنز بناکر ٹیم کو 19 ویں اوور میں فتح دلوادی۔
