تولوز نے 18 منٹ میں گول کیا، ہاف ٹائم پر سکور 1-2 تھا، دوسرے ہاف میں پی ایس جی نے مزید چار گول سکور کر دیئے
بارسلونا: فرانسیسی فٹبال کلب پی ایس جی کو تو جیسے نیمار جونیئر کا ریکارڈ معاہدہ راس ہی آ گیا ، فتوحات پہ فتوحات ہی حصے میں آنے لگیں ، تولوز کے خلاف چھ دو کی کامیابی بھی بارسلونا سے آنے والے سٹرائیکر کے نام ہو گئی ۔ فرنچ لیگ ون کا سنڈے مقابلہ فُل فن ڈے بن گیا ۔ پیرس سینٹ جرمین کی ٹیم تولوز کے مدمقابل ہوئی، تولوز نے 18ویں منٹ گول کی برتری پائی، پی ایس جی کے مہنگے ترین کھلاڑی نیمار جونیئر نے اپنی مہارت دکھائی
اکتیسویں منٹ ٹیم کو کامیابی دلائی ۔ چار منٹ بعد پھر ریبئٹ کے گول سے پی ایس جی دو ایک سے آگے ، اسی سکور پر پہلا ہاف ختم ہوا ، دوسرے ہاف میں بھی نیمار کی ٹیم چھائی رہی ، اہم کھلاڑی ویرتی کو ییلو اور پھر ریڈ کارڈ دکھائے جانے کی بھی پرواہ نہ کی ۔ پچھہترہویں منٹ پنلٹی کو کامیاب بنایا ، سکور بڑھتے ہوئے تین ایک پہ آیا ۔ گول پہ گول سے حریف کھلاڑیوں کے تو جیسے ہاتھ پاؤں ہی پھول گئے ، 78 ویں منٹ میں اون گول کر دیا ۔ بیاسی اور چوراسی ویں منٹ کے گول کے بعد نیمار نے اضافی وقت میں ایک اور گول ٹیکا دیا یوں پی ایس جی کے نام چھ دو کی جیت آئی یہ فتح بھی گویا نیمار نے ہی دلائی۔
