اسلام آباد (یس ڈیسک) وزیر اعظم نواز شریف نے کہا ہے کہ تاپی گیس لائن منصوبے کے جلد آغاز کے لئے فوری اقدامات کئے جائیں۔
وزیر اعظم نواز شریف کی زیر صدارت توانائی سے متعلق کابینہ کمیٹی کا اجلاس جاری ہے ، وزیر اعظم ہاوٴس میں جاری اجلاس میں وزیر اعلیٰ پنجاب شہباز شریف، وفاقی وزیر خزانہ اسحاق ڈار ، وزیر ریلوے خواجہ آصف ، وزیر مملکت پانی و بجلی عابد شیر علی ، وزیر پٹرولیم شاہد خاقان عباسی اور وفاقی وزیر برائے ترقی و منصوبہ بندی احسن اقبال شریک ہیں۔
اجلاس میں تاپی گیس لائن منصوبے پر مشاورت کی جا رہی ہے ، وزیر اعظم کی زیر صدارت جاری اجلاس میں ایران سے بجلی کی درآمد کا معاملہ اور ایل این جی سے چلنے والے بجلی گھروں کی تنصیب پر غور کیا جا رہا ہے۔
