اسلام آباد ( ویب ڈیسک ) مسلم لیگ ن کے رہنما محمد زبیر نے کہاہے کہ چیئرمین نیب سے متعلق چیزیں کیوں چلیں، وزیر اعظم کو تحقیقات کرانی چاہییں، عمران خان اپنے مشیر سے متعلق پارلیمنٹ میں آکر بیان دیں۔ نجی ٹی وی کے پروگرام میں بات چیت کرتے ہوئے محمد زبیر نے کہا کہ چیئر مین نیب سے متعلق چیزیں کیوں چلیں، وزیر اعظم کو تحقیقات کرانی چاہییں۔ان کا کہنا تھا کہ وزیر اعظم کی مایوسی ان کے بیانات سے ظاہر ہوتی ہے ،عمران خان کے نزدیک نیب وہ نہیں کررہاہے جو اسے کرنا چاہئے ، عمران خان اپنے مشیر سے متعلق پارلیمنٹ میں آکر بیان دیں۔ انہوں نے کہا کہ شہباز شریف کی ڈیل کی جو باتیں کی جاتی رہی ہیں، وہ اب ختم ہوجانی چاہئے ، یہ باتیں پچھلے سات آٹھ ماہ سے چل رہی ہیں،اس وقت ایک ہی بیانیہ ہے اور وہ ہے نواز شریف کا بیانیہ ، دوسری بات یہ ہے کہ جو مختلف بیانات آتے ہیں، اس کی وجہ کچھ رہنماﺅں کا پارٹی کے بیانیہ کو فالو نہ کرنے کی وجہ سے ہوتاہے ۔ دوسری جانب پیپلز پارٹی کی رہنما نفیسہ شاہ نے کہاہے کہ چیئر مین نیب کے حوالے سے جو ویڈیوز لیک ہوئی ہیں ، ان کے تانے بانے وزیر اعظم ہاﺅس سے ملتے ہیں۔ نجی ٹی وی کے پروگرام میں بات چیت کرتے ہوئے نفیسہ شاہ نے کہاکہ جس چینل پر چیئر مین نیب سے متعلق رپورٹ چلی اس کا چینل کامالک وزیر اعظم کا معاون خصوصی ہے ، چیئر مین نیب نے اپنے انٹرویومیں کہا تھا کہ اگر میں حکومت کے دو بندے گرفتار کرلوں تو حکومت گرجائے گی ۔انہوں نے کا کہ نیب سے متعلق پیپلز پارٹی کا موقف وہی ہے ، لیکن نیب کے چیئر مین کی ذاتی زندگی پر جو حملہ ہواہے ، اس کا وزیر اعظم ہاﺅ س سے تعلق ضرور ہے ،
