کراچی کے علاقے اورنگی میں پولیس نے کارروائی کرکے 6 ملزمان کو گرفتار کرلیا۔ گرفتار ملزمان سے اسلحہ، منشیات اور کچی شراب برآمد کی گئی ہے۔
پولیس کے مطابق اورنگی ٹاؤن میں دوسری کارروائی میں پولیس اور ملزمان کے درمیان فائرنگ کا تبادلہ ہوا جس میں پولیس نے دو ملزمان کو گرفتار کرکے اسلحہ اور منشیات برآمد کرلیا، جبکہ کارروائی میں ملزمان کے 3ساتھی فرار ہونے میں کامیاب ہوئے ہیں۔ بلدیہ ٹاؤن کے علاقےمدینہ کالونی میں پولیس نے سرچ آپریشن کیا۔ سرچ آپریشن کےدوران علاقے کے داخلی اور خارجی راستے بند کرکے پولیس نے گھر گھر تلاشی لی اور 5 مشتبہ افراد کو حراست میں لے کر تفتیش کے لیے تھانے منتقل کردیا گیا ہے۔ پی آئی ڈی سی کے قریب فائرنگ سے ایک شخص زخمی ہوگیا۔ فائرنگ سے زخمی شخص کی شناخت عقیل کے نام سے ہوئی ہے۔
