سٹاک ہوم (نمائندہ خصوصی) پاکستان مسلم لیگ ن سویڈن کے زیراہتمام گزشتہ شب بانی پاکستان بابائے قوم حضرت قائداعظم محمد علی جناح کا یوم ولادت اور مسلم لیگ ن کے قائد اور وزیراعظم پاکستان میاں نوازشریف کی سالگرہ کا کیک کاٹا گیا اور دونوں رہنماؤں کو خراج عقیدت پیش کیا گیا۔
مسلم لیگ ن سویڈن کے سیکرٹری جنرل کاشف عزیزبھٹہ کی رہائش پر ہونے والی اس پروقارتقریب میں مسلم لیگ ن سویڈن و مسلم لیگ ن یوتھ ونگ سویڈن کے زمہ داران کے علاوہ سویڈن کی معروف سماجی سیاسی شخصیات نے کثیر تعداد میں شرکت کی۔
مقررین نے اپنے خطاب میں بانی پاکستان قائداعظم محمد علی جناح اور قائد مسلم لیگ ن وزیراعظم پاکستان میاں نوازشریف کی خدمات کو خراج تحسین پیش کیااور آرمی پبلک سکول کے شہدا اوران کے لواحقین کیساتھ ساتھ مسلح افواج پاکستان کے ساتھ اظہاریکجہتی بھی کیا تقریب میں شرکت کرنیوالوں میں سویڈن کی معروف کاروباری سماجی وسیاسی شخصیت خواجہ مقصود۔سماجی وسیاسی نوجوان شخصیت کشمیر کمیٹی سویڈن کے سیکرٹری جنرل تیمورعزیز ۔مذہبی سکالرسہیل خیدر۔مسلم لیگ ن سویڈن کے انفارمیشن سیکرٹری عمیرضیابھٹی ۔مسلم لیگ ن یوتھ ونگ سویڈن سے چوہدری انجم۔رانا راشد۔رانا واصد۔محمدآفان ۔محمد سمیر و دیگرنے شرکت کی اورتقریب کےآخرمیں ملک وقوم کی سربلندی کیلئے خصوصی دعاکی گئی۔اور کیک کاٹا گیا۔
