صدر پیپلز پارٹی فرانس چوہدری محمد رزاق ڈھل کا دورہ پاکستان مکمل کرکے پیرس واپس پہنچنے پر معروف سیاسی وسماجی راہنما محمد افراسیاب کی طرف سے ان کے اعزاز میں عشائیہ
پیرس ؍اسلام آباد(ا یس ایم حسنین) پاکستان پیپلز پارٹی فرانس کے صدر چوہدری محمد رزاق ڈھل نجی دورہ پاکستان مکمل کر کے پیرس واپس پہنچ گئے۔ ان کے قریبی عزیزو اقارب اوردوستوں کی طرف سے پیرس واپسی پر ان کا شاندار استقبال کیا گیا۔
پیرس میں موجود سیاسی وسماجی راہنمائوں کی طرف سے تا حال ان کے اعزاز میں دعوتوں کا سلسلہ جاری ہے ۔ اس سلسلے میں آج معروف سیاسی سماجی راہنما محمد افراسیاب نے ان کے اعزاز میں پرتکلف عشایئے کا اہتمام کیا ۔ جس میں مختلف سیاسی وسماجی جماعتوں کی معروف شخصیات نے شرکت کی ۔
اس موقع پر مسلم لیگ ن فرانس کے سینئر راہنماچوہدری محمد شمشاد احمد آف بھائو گھسیٹ پور،ممبر پاکستان پیپلز پارٹی پنجاب کونسل قاری فاروق احمد فاروقی، سینئر راہنما اور دیگر ساتھیوں نے شرکت کی۔
چوہدری محمد رزاق ڈھل نے اپنے دورہ پاکستان کو نہائت مفید قرار دیا اور پاکستان کی سیاسی فضا اورپل پل بدلتی صورتحال کے بارے میں دوستوں اور ساتھیوں کو آگاہ کیا۔ انہوں نے محمد افراسیاب کا پرتکلف عشائیے کے اہتمام اور دوستوں کی طرف سے ان کے استقبالیہ میں شرکت پر دل کی گہرائیوں سے شکریہ ادا کیا
