لاہور (ویب ڈیسک) بھارتی سکھ نے سوشل میڈیا پر جاری پیغام میں کہا ہے کہ پاکستان کو کہتا ہوں آپ فکر نہ کریں ہم خانہ جنگی کی طرف جا رہے ہیں، بھارت میں مسلمان، سکھ، عیسائی، دلِت سب کا جینا حرام کیا ہوا ہے، ایک دو سال میں ہم خود آپس میں چِھترو چِھتری ہونے والے ہیں، کرفیو ختم ہونے کے بعد کشمیری بھارتی فوج کا برا حشر کرنے والے ہیں۔ تفصیلات کے مطابق کشمیر کے موجودہ کشیدہ حالات اور بھارت کے اندرونی بگڑتے ہوئے حالات پر ایک ہندوستانی سکھ کی جانب سے سوشل میڈیا کے ذریعے پاکستان کیلئے خصوصی پیغام جاری کیا گیا ہے: سوشل میڈیا جاری ویڈیو پیغام میں ہندوستانی سکھ نے بھارت کی مودی سرکار کو آڑے ہاتھوں لیا ہے، اور پیشن گوئی کی ہے کہ بھارت خانہ جنگی کا شکار ہونے والا ہے۔ بھارتی سکھ کا کہنا ہے کہ پاکستان کو اب بھارت کے حوالے سے فکر مند ہونے کی ضرورت نہیں کیونکہ بھارت خود خانہ جنگی کا شکار ہونے جا رہا ہے۔ مودی سرکار نے بھارت میں سکھوں، مسلمانوں، عیسائیوں اور دیگر اقلیتوں کا جینا حرام کر دیا ہے۔ اگلے ایک سے 2 سال میں بھارت میں یہ سب ایک دوسرے سے لڑ پڑیں گے اور ایک دوسرے کو مار رہے ہوں گے۔ جبکہ کشمیر میں بھی کرفیو ختم ہونے کی دیر ہے پھر بھارتی فوج کی شامت آنے والی ہے۔ کشمیری تیار ہیں اور جیسے ہی کرفیو ختم ہوگا، ان کی جانب سے بھارتی فوج کی خوب چھترول کی جائے گی۔ دوسری جانب ایک خبر کے مطابق مقبوضہ کشمیرمیں غیر آئینی اقدامات پر استعفٰی دینے والے بھارتی ایڈمنسٹریٹو سروس افسر کنن گوپی ناتھن نے اپنی حکومت کے خلاف اعلان بغاوت کرتے ہوئے کہاہے کہ اگر کل دہلی میں شہریوں کو حاصل حقوق سلب کرلیے جائیں تو کیا ہوگا عوام چاہے خوش ہوں یا ناراض اظہار رائے کی آزادی سلب نہیں کی جاسکتی۔ انسانی جانیں بچانے کے نام پر لگائی گئی پابندیاں محض فریب ہیں، کیا کسی کویہ کہہ کر جیل میں بند کیا جاسکتا ہے کہ یہ اس کی جان بچانے کے لیے کیا جارہا ہی بھارتی ٹی وی کے مطابق بھارتی ایڈمنسٹریٹو سروس افسر کنن گوپی ناتھن نے کہا کہ کسی بھی جمہوریت میں عوام سے احتجاج کا حق نہیں چھینا جاسکتا۔
