عام خیال یہی ہے کہ شاید شوبز سلیبرٹیز کی عید دیگر لوگوں سے کچھ مختلف ہوتی ہوگی، لیکن درحقیقت ایسا کچھ نہیں ہے۔
اگر پاکستان کے مشہور شوبز اسٹارز کے سوشل میڈیا اکاؤنٹس پر نظر دوڑائی جائے تو معلوم ہوگا کہ ان میں سے بیشتر نے اپنا وقت فیملی اور دوستوں کے ساتھ گزارا، کچھ نے کھانا انجوائے کیا اور کچھ کو عید کے دن بھی کام کرنا پڑا۔
یہاں کچھ سلیبرٹیز کی عید کا احوال پیش کیا جارہا ہے:
احمد علی بٹ نے عید کی صبح ایک ڈھابے پر ناشتہ انجوائے کیا۔
عائشہ عمر نے عید اپنے گھر پر ماریہ واسطی اور اپنی بلی کے ساتھ گزاری۔
انوشے اشرف نے عید لاہور میں اپنے اہلخانہ کے ہمراہ منائی۔
مہرین سید کی عید بھی فیملی کے ساتھ گزری، اس موقع پر انھوں نے اپنی بیٹی کی ایک تصویر انسٹاگرام پر شیئر کی۔
فلم اسٹار شان شاہد اس عید پر بھی کام کرتے نظر آئے، وہ ان دنوں لندن میں فلم ‘ضرار’ کی شوٹنگ میں مصروف ہیں۔
پروڈیوسر حریم فاروق اپنی ٹیم کے ساتھ لندن میں فلم ‘جانان’ کی تشہیر کے سلسلے میں موجود ہیں۔
علی ظفر اس عید پر فوٹوگرافی میں مصروف رہے، انھوں نے اپنی کزن ماہا کی ایک تصویر انسٹاگرام پر شیئر کی۔
دانش تیمور اپنی فیملی کے ساتھ بہت خوش نظر آئے۔
فیصل قریشی نے بھی یہ عید اپنی اہلیہ ثناء اور بیٹی کے ہمراہ منائی۔
عمیر جسوال باربی کیو کرتے نظر آئے۔
عزیر جسوال عید کے حوالے سے ٹی وی پروگرامز میں شرکت کے لیے مکمل تیاری کے ساتھ نظر آئے۔
سلیبرٹیز تو اپنے اپنے انداز سے عید منارہی ہیں، امید ہے کہ آپ بھی اس عید کو اسی طرح سے انجوائے کر رہے ہوں گے۔
