لاہور (ویب ڈیسک) پاکستان کو پہلی مرتبہ کبڈی ورلڈ کپ کی میزبانی مل گئی ہے ،لاہور 12 جنوری سے کبڈی ورلڈ کپ کی میزبانی کرے گا، تفصیلات کے مطابق ورلڈکپ میں شرکت کیلئے بھارتی کبڈی فیڈریشن نے بھی ہاں کر دی ہے۔
بھارت علاوہ ایران ،امریکہ ،آسٹریلیا اورکینیڈا بھی شریک ہوں گے . کینیا ، ناروے ، نیوزی لینڈ اور جرمنی نے بھی ورلڈ کپ کبڈی میں شرکت کی خواہش کا اظہار کر دیاہے .پاکستان کبڈی فیڈریشن حکام آج ورلڈ کپ شیڈول کا اعلان کریں گے۔ یاد رہے کہ پاکستان میں انٹرنیشنل کرکٹ کے بھی دروازے آہستہ آہستہ کھلنا شرو ع ہو گئے ہیں اور حال ہی میں سری لنکا کی ٹیم نے پاکستان کا دورہ کیا اور تین ٹی ٹوینٹی میچز کھیلے تھے جسے دیکھنے کیلئے پاکستان کی عوام بڑی تعداد میں سٹیڈیم پہنچی جبکہ اس موقع پر سخت سیکیورٹی کے انتظامات بھی کیے گئے تھے ۔ ذرائع کے مطابق پہلی بار پاکستان میں ہونے والے ورلڈ کپ میں بھارت، ایران، امریکا، آسٹریلیا، انگلینڈ، کینیڈا کی ٹیمیں شریک ہوں گی جب کہ کینیا، ناروے، نیوزی لینڈ اور جرمنی کی شرکت بھی متوقع ہے۔ بارہ سے انیس جنوری تک مجوزہ اس ایونٹ کے لیے غیر ملکی ٹیموں کو دعوت نامے چند ہفتے پہلے بھیجے گئے تھے اور پاکستان کبڈی فیڈریشن حکام آج ورلڈ کپ کا باقاعدہ شیڈول جاری کریں گے۔ ذرائع کا کہنا ہے کہ میگا ایونٹ میں شرکت کے لیے بھارتی ٹیم نے پاکستان آنے کا گرین سگنل دے دیا ہے۔
