پیرس ( نمائندہ خصوصی) پاکستان تحریک انصاف فرانس کے سینئر راہنما ابرار کیانی نے اپنے سوشل میڈیا اکائونٹ پر چند تصاویر شیئر کی ہیں جن میں پاکستانی سفارتخانے کی طرف سے انتہائی نادر پورٹریٹ آویزاں کیا گیا ہے جس میں بانی پاکستان قائد اعظم محمد علی جناح ؒ کے پورٹریٹ کےساتھ انتہائی مہارت کیساتھ نئے وزیر اعظم پاکستان جناب عمران خان صاحب کا پورٹریٹ تیار کیا گیا ہے۔ جس میں تصویر میں باآسانی قائد اعظم محمد علی جناحؒ کو اوپر اور ان کی تصویر کے عین نیچے ان کے فالوراور نئے وزیر اعظم پاکستان عمران خان کی تصویر ہے۔ انوکھا فن پارہ فرانس کے شہر پیرس میں موجود پاکستانی سفارتخانے میں آویزاں کیا گیا ہے۔ جو نہایت دلچسپ ہے۔ نے انوکھے انداز میں چیئرمین تحریک انصاف کو خراجِ تحسین دیتے ہوئے عمران خان کا پورٹریٹ بنایا ہے۔
پاکستان میں عام انتخابات دو ہزار اٹھارہ میں پاکستان تحریک انصاف کے چیئرمین عمران خان کی کامیابی پر ان کے حامی اور عمران خان کے فین بے حد خوش ہیں اور خوشی کو مختلف انداز میں منا رہے ہیں۔
وزیر اعظم عمران خان کی بابائے قوم قائد اعظم محمد علی جناح ؒ کے ساتھ تصویر انٹرنٹ پر وائرل ہورہی ہے۔ جسے اب تک لاکھوں افراد دیکھ چکے ہیں اور آرٹسٹ کی مہارت کو سراہ رہے ہیں۔
