کراچی….پاکستان ٹیم کی شکست پر سابق کرکٹرز برہم ، سوئنگ کے سلطان وسیم اکرم نےکہا ہے کہ ٹیم پرفارمنس نہ دے تو کپتان یا کوچ کو جانا پڑتاہے، اظہرعلی کی کپتانی پر سوال اٹھے گا ، شعیب اختر نے کہاکہ بیڈلک بھی تبھی ہوتی ہے جب ٹیم برا کھیلے ، رمیز راجہ نے کہاکہ ٹیم میں ایک ہی ٹائپ کے لیفٹ آرم بولرز شامل کرلیے ۔
نیوزی لینڈ کرکٹ ٹیم کے ہاتھوں ون ڈے سیریز کی شکست پر پاکستان کے سابق بولروسیم اکرم کا کہنا ہے کہ باقاعدہ پانچواں بولرنہ ہونےسےٹیم کونقصان توہوتاہے۔ ٹیم پرفارمنس نہ دے تو کپتان یا کوچ کو جانا پڑتاہے، اظہر علی کی کپتانی پر سوال اٹھے گا۔سابق بولر شعیب اختر نے کہا کہ کرکٹ ٹیم کے کھلاڑیوں کو ذمے داری کا مظاہرہ کرنا پڑے گا،آسان وکٹ پرپاکستان کو19اوورزمیں125رنزتوبنانے چاہیےتھے۔انہوں نے کہا کہ وہاب ریاض کی جانب سے مایوسی نظر آ رہی ہے،عامر اور وہاب نے مایوس کیا،کھلاڑیوں کو ذمے دار کا مظاہرہ کرنا پڑے گا،آکلینڈ میں 290 رنز کا ہدف کافی نہیں تھا۔انہوں نے کہا کہ قسمت اسی وقت خراب ہوتی ہے جب آپ اچھا نہیں کھیلتے۔رمیز راجا نے کہا کہ آج کے میچ میں کھلاڑی لڑکر ہارے،محمد عرفان کی فٹنس کا مسئلہ دکھائی دے رہا ہے۔
