فرانس (اشفاق چودھری) دہشتگردی کیخلاف پاک فوج کاکردار مثالی اور پیشہ ورانہ صلاحیت قابل توصیف ہی نہیں بلکہ فوج کاعزم و حوصلہ بھی ناقابل تسخیر ہے یہی وجہ ہے کہ بھارت اپنی تمام تر حربی قوت اور سازشوں کے باجود آج تک کسی بھی محاذ پر افواج پاکستان پر سبقت حاصل کرنے میں ناکام رہا ہے۔
افواج پاکستان نے نہ صرف دفاع پاکستان کا فریضہ ہمیشہ احسن طریقے سے نبھایا ہے بلکہ پاکستان کیخلاف استعماری و سامراجی طاقتوں اوردہشتگردوں کے عزائم کو بھی خاک میں ملاتے ہوئے بیرونی دفاع کے ساتھ پاکستان کو اندرونی خلفشار و انتشار سے بھی محفوظ بنایا ہے اوردہشتگردی کے نیٹ ورک کو توڑ کر دہشتگردوں کو بھاگنے اور چھپنے کا مجبور کر دیا ہے۔
پاکستان تحریک انصاف فرانس کے رہنماؤں اصغر برہان ، ابرار کیانی ،امتیاز اکرم کدھر و دیگر نے اپنے مشترکہ بیان میں کہا کے افواج پاکستان کی خدمات اور پیشہ ورانہ صلاحیتوں کو خراج تحسین پیش کرتے ہوئے کہا کہ پوری قوم افواج پاکستان کی خدمات و صلاحیتوں کی ہی نہیں بلکہ حب الوطنی ‘ دیانتداری ‘ جانفشانی ‘ ایثار اور قربانیوں کی بھی معترف ہے اور قوم کو یقین ہے کہ فوج نہ صرف قوم کو دہشتگردی سے نجات دلائے گی بلکہ کرپشن ‘ کمیشن ‘ استحصال ‘ ظلم ‘ جبر ‘ لاقانونیت ‘ بد امنی اور بحرانوں سمیت ہمہ اقسام مافیازسے نجات دلانے کیلئے بھی اپنا محبانہ کردار ادا کریگی۔
