وفاقی وزیر برائے منصوبہ احسن اقبال اور چینی سفیر سن وے ڈونگ نے سی پیک کے مختلف پہلوئوں پر تحقیق کے لئے اسلام آباد میں سی پیک ایکسی لینسی سینٹر کا افتتاح کردیا ہے۔
تقریب سے خطاب میں وفاقی وزیر نے کہا کہ سی پیک پاکستان کی تاریخ میں بگ بینگ ہے، یہ امن اور اقتصادی ترقی کا راستہ ہے، 3 سال میں 10 ہزارمیگا واٹ سے زیادہ بجلی سسٹم میں لائے۔ انہوں نے مزید کہا کہ چین نے اس وقت ہمارا ساتھ دیا جب لوگ پاکستان سے سرمایہ کار بھاگ رہے تھے، پاکستانی قوم چین کے اس ساتھ کو کبھی نہیں بھول سکتی۔ چینی سفیر سن وے ڈونگ نے کہا ہے کہ پاکستانی معاشرے نے سی پیک کے منصوبے کو کامیاب بنایا، منصوبے سے دونوں ممالک کو مساوی فائدہ ہوگا ۔ ان کا کہناتھاکہ صرف انفراسٹرکچراور سڑکیں تعمیر نہیں کرنا چاہتے، ٹیلنٹ بھی آگے لانا چاہتے ہیں،پاکستان کو جدید ٹیکنالوجی منتقل کی جا رہی ہے ۔ چینی سفیر نے خطاب میں کہا کہ اقتصادی راہداری منصوبہ 2030 ءتک 70ہزارپاکستانیوں کو نوکریاں فراہم کرےگا۔
