لاہور: عوامی مسلم لیگ کے سربراہ شیخ رشید نے کہا ہے کہ ایک ہزار بدھو بائی جیسی طوائفیں مل کر بھی ریحام خان سے زیادہ باعزت ہوں گی جبکہ کنجروں کے بھی بڑے اصول ہیں۔
شیخ رشید کا کہنا تھا کہ ایک ہزار بدھو بائی جیسی طوائفیں مل کر بھی ریحام خان سے زیادہ باعزت ہوں گی۔ لوگوں نے جن کیساتھ ایک گھنٹہ بھی نکاح میں گزارا ہوتا ہے اس کی پاسداری کرتے ہیں۔
عمران خان اور ریحام خان کی جس وقت شادی ہوئی میں سرپکڑ کر بیٹھ گیا اور یوں خان کی طرف دیکھا اور کہا کہ خان یہ کیا کر رہے ہوں۔ ابھی جب انڈیا کے کرکٹ میچ میں گئے تو میں نے کہاکہ خان سارے کام کرو، شادی مت کرو۔ میں جب وزیراطلاعات تھا تو اس میں فلم انڈسٹری بھی تھی، آپ یقین کریں کہ کنجروں کے بھی بڑے اصول ہوتے ہیں۔
یہ گفتگو ریحام خان تک بھی پہنچ گئی جنہوں نے ٹوئٹر پر ردعمل دیتے ہوئے لکھا ”اس شخص کو سپریم کورٹ نے صادق اور امین قرار دیا ہے۔ یہ مسلمانوں کیلئے بدبختی ہے۔ صادق اور امین کا خطاب صرف اور صرف نبی کریمﷺ کیلئے ہے۔ ایسے گھٹیا لوگوں کیلئے نہیں جو فاحشاﺅں کے بارے میں اچھی طرح جانتے ہوں۔ کیا چیف جسٹس اس کا نوٹس لیں گے! برائے مہربانی اس گند کو پاکستان سے جڑ سے اکھاڑ پھینکیں۔“
