لاہور (ویب ڈیسک)تجزیہ کار سلمان غنی نے کہاہے کہ کشمیر کے حوالے سے اقوام متحدہ میں کوئی بڑا بریک تھر و نہیں ہوگا لیکن وزیر اعظم عمران خان دنیا کوبتادیں گے کہ اگر یہ مسئلہ قابو سے باہر ہوا تو پھر یہ خطے تک محدود نہیں رہے گا بلکہ اس سے دنیا بھی متاثر ہوگی۔دنیا نیوز کے پروگرام ”تھنک ٹینک“میں گفتگو کرتے ہوئے سلمان غنی نے کہاکہ امریکہ کی ایک پہچا ن انسانی حقوق ہیں لیکن کیا یہ بہت بڑی ناانصافی نہیں ہے کہ امریکہ کا صدر گجرات کے قصائی کے ہاتھ میں ہاتھ ڈالے جب وہ دنیا سے مخاطب ہونگے تو امریکیوں کے لئے ایک سوالیہ نشان تو ہوگا ۔انہوں نے کہا کہ وزیر اعظم عمران خان کی ٹرمپ سے ملاقات بہت اہم ہے ، اگر امریکہ کی کمزوری انسانی حقوق ہیں تو پھر اس رگ کوہی چھیڑنا ہے تاکہ دنیا کو پتہ چلے کے کشمیر میں بھی جوانسان ہے ان کاخون بھی سرخ ہے ۔ ان کا کہناتھا کہ یہ بات درست ہے کہ اقوام متحدہ میں کوئی بڑا بریک تھر و نہیں ہوگا لیکن وزیر اعظم دنیا کوبتادیں گے کہ اگر یہ مسئلہ قابو سے باہر ہوا تو پھر یہ خطے تک محدود نہیں رہے گا بلکہ اس سے دنیا بھی متاثر ہوگی ۔ سابق وفاقی وزیر مسلم لیگ (ن) کے سینئر رہنما رانا تنویر حسین نے ملک میں فی الفور عام انتخابات کے انعقاد کا مطالبہ کرتے ہوئے کہا ہے کہ موجودہ حکومت خارجہ وداخلہ سمیت دیگر شعبوں میں بری طرح ناکام ہو گئی ہے، نا اہل اور نا تجربہ کار وزیر اعظم اور اس کی ٹیم کے ہاتھوں کشمیر نکلتا دکھائے دے رہا ہے، کشمیر پر حکومت کی پالیسی انتہائی غیر موثر ثابت ہو ئی ہے، یہی وجہ ہے کہ مقببوضہ کشمیر میں حالات معمول پر آنے کی بجائے دن بدن خراب ہورہے ہیں، عمران خاں کے دورہ امریکہ سے کوئی بڑا بریک تھرو نہیں ملے گا، نوازشریف اور شہباز شریف کا بیانیہ ایک ہی ہے، مو لا نا فضل الرحمن کے دھرنے میں شرکت یا عدم شرکت کا فیصلہ پارٹی رہبر نواز شریف اور اس کا اعلان پارٹی صدر شہباز شریف کرینگے ،اصولی اور اخلاقی طور پر مو لانا فضل الرحمن کے دھرنے کی حمائیت کرتے ہیں۔
