بھارتی اداکاراجے دیوگن، ارشد وارثی، تشار کپور اور شریاس تلپاڈی کی ہنسی اور قہقہوں سے بھر پور بالی ووڈ فلم گول مال کی سلور اسکرین پر ایک بار پھرتہلکہ مچانے آ رہی ہے۔
جی ہاں، 2006 میں بننے والی بالی ووڈ کی کامیڈی فلم ‘گول مال کی چوتھی کڑی گول مال اگین کے ایک اور نئے گانے کی ویڈیو جاری کردی گئی ہے۔ اتنا سناٹا کیوں ہے نامی اس گانے کو امیت مشرا اور ادیتی سنگھ شرما کی آواز میں ریکارڈ کیا گیا ہے جبکہ گانے کے بول کمار نے ترتیب دیئے ہیں۔ روہٹ شیٹی کی ہدایت کاری میں بننے والی اس فلم میں اجے دیوگن، ارشد وارثی، تشار کپور، کنال کیمو، شریاس تلپاڈی سمیت بالی ووڈ کی معروف اداکارہ تبو اور شوخ و چنچل پرینیتی چوپڑا بھی مرکزی کردار میں نظر آئیں گے۔ فلم کی دیگر کاسٹ میں جانی لیور، مکیش تیواری، سنجے مشرا، نیل نیتن مکیش شامل ہیں۔ فلم 20 اکتوبر کو سینما گھروں میں نمائش کے لئے پیش کی جائے گی۔
