اسلام آباد (یس ڈیسک) اسلام آباد جلسے میں شیخ رشید نے خوب شعلہ بیانی کی۔ عوامی مسلم لیگ کے سربراہ کا کہنا تھا کہ اس نظام کو جلا دو، آگ لگا دو، محلوں کو گرا دو اور عمران خان کے ساتھ نکلو۔ شیخ رشید نے آصف زرداری اور مولانا فضل الرحمان پر بھی کڑی تنقید کی۔
شیخ رشید نے کہا کہ اگر سابق صدر پر بغاوت کا مقدمہ چل سکتا ہے تو دھاندلی سے حکومت بنانے پر نواز شریف کیوں گرفتار نہیں ہوسکتے ؟۔ اس سے پہلے بھی تحریک انصاف کے ننکانہ جلسے میں جوشیلی تقریر کرنے پر شیخ رشید کے خلاف عدالتی حکم پر مقدمہ درج ہو چکا ہے۔ شیخ رشید کا کہنا ہے کہ وہ خود کش سیاست دان ہیں۔ وہ کندھے پر تابوت رکھ کر پھرتے ہیں۔
