اسلام آباد(یس مانیٹرنگ ڈیسک) نجی ٹی وی رپورٹ کے مطابق پاکستان تحریک انصاف کے سربراہ عمران خان نے وزیر اعظم نواز شریف پر سنگین الزامات عائد کر دیئے۔ نجی ٹی وی رپورٹ کے مطابق سربراہ پی ٹی آئی عمران خان نے میڈیا سے گفتگو کرتے ہوئے کہا کہ ماضی میں سپریم کورٹ پر حملہ کرتے ہوئے ایک وزیر اعظم رنگے ہاتھوں پکڑا گیا ۔ عمران خان نے وزیر داخلہ چوہدری نثار کو مخاطب کرتے ہوئے کہا کہ میں خاص طور پر انہیں یہ کہنا چاہتا ہوں کہ سپریم کورٹ کی سیکورٹی بڑھائی جائے۔ سپریم کورٹ کو تحفظ دیا جائے اور وہاں فورس تعینات کی جائے ۔ عمران خان نے میڈیا سے گفتگو کرتے ہوئے کہا کہ کوئی پتہ نہیں، اگر نواز شریف کو کوئی خطرہ ہوا تو وہ ایک بار پھر سپریم کورٹ پر حملہ کر دیں گے۔ نواز شریف پہلے بھی سپریم کورٹ پر حملہ کر چکے ہیں۔ عمران خان نے کہا کہ سپریم کورٹ میں ہیئرنگ شروع ہونے والی ہے۔ مجھے کوئی پتہ نہیں کہ وہ (ن) لیگ کی ڈنڈا بردار فورس کہاں ہے؟ ایسا نہ ہو کہ وہ ڈنڈے لے کر سپریم کورٹ پہنچ جائیں۔ چیئرمین پی ٹی آئی عمران خان نے کہا کہ وزیر داخلہ کو ابھی سے چاہئے کہ وہ سپریم کورٹ کی سیکورٹی کو انتہائی سخت کر دیں۔
انہوں نے کہا کہ پانامہ لیکس کے معاملے پر6ماہ سے تمام ادارے سوئے ہوئے ہیں، انکو سانپ سونگھ چکا ہے وہ ’’شریف بادشاہ ‘‘سے خوفزدہ ہیں، کہیں انکے کوئی ایکشن ہی نہ لے لیں ‘30ستمبر کو ملک کی تقدیر بدلنے جا رہے ہیں،قوم میرے یاتحر یک انصاف کیلئے نہیں ملک اور قوم اور آنیوالی نسلوں کیلئے باہر نکلیں ‘سپر یم کورٹ کا نوازشریف کے خلاف کیس کی سماعت شروع کر نے پر شکر یہ اداکرتے ہیں مگر الیکشن کمیشن ٹرائل پر ہیں دیکھتے ہیں وہ کیا کر تا ہے ‘ الیکشن کمیشن پر23سیاسی جماعتوں نے عدم اعتماد کیا ہے،سب کا خیال ہے کہ2013میں الیکشن کمیشن نے (ن) لیگ سے ملکر دھاندلی کی۔
