ننکانہ صاحب (محمد قمر عباس)مسلم لیگ ن اور اقلیتی برادری کی طرف سے وزیر اعظم محمد نواز شریف کی جلد صحت یابی کے لئے دعائیہ تقریبات کا سلسلہ دوسرے روز بھی جاری رہا ،سکھ برادری کے زیر اہتمام محمد نواز شریف کی جلد صحت یابی کے لئے گوردوارہ جنم استھان ننکانہ صاحب میں خصوصی ارداس(دعا ) کیا گیا جس میں گوردوارہ کے ہیڈ گرنتھی گیانی پریم سنگھ ،گرنتھی گیانی دیا سنگھ ،ضلعی صدر اقلیتی ونگ سردار کلونت سنگھ ،جنرل سیکرٹری سکھ کونسل آف پاکستان سردار سرجیت سنگھ کنول سمیت سکھ مذہب سے تعلق رکھنے والے افراد کی بڑی تعداد نے شرکت کی ،اس موقع پر سکھ کمیونٹی کے افراد نے اپنی مذہبی رسومات کی ادائیگی کے دوران وزیر اعظم محمد نواز شریف کی جلد صحت یابی اوربخریت وطن واپسی کے لئے خصوصی دعا کی ،تقریب میں مسلم لیگ ن کی رکن قومی اسمبلی ڈاکٹر شذرہ منصب علی کھرل سمیت منتخب ناظمین سمیت کارکنان کی بڑی تعداد بھی شامل تھی ،وزیر اعظم محمد نواز شریف کی جلد صحت یابی کے لئے مسیحی برادری کی طرف سے آرمی سالویشن چرچ میں دعائیہ تقریب کا اہتمام کیا گیا جس میں چرچ کے پادری شمعون نے محمد نواز شریف کی جلد صحت یابی کے لئے خصوصی دعا کروائی ،دعائیہ تقریب میں مسیحی برادری سے تعلق رکھنے والے مرد و خواتین کی بڑی تعداد نے شرکت کی ،مسلم لیگ ن سٹی ننکانہ صاحب کے زیر اہتمام ایم این اے ڈاکٹر شذرہ منصب علی کھرل کی رہائش گا ہ میں محمد نواز شریف کی جلد صحت یابی کے لئے دعائیہ تقریب کا اہتمام کیا گیا جس میں ایم این اے ڈاکٹر شذرہ منصب علی کھرل ،مسلم لیگی عہدیدران رائے صفدر علی ،رائے رضوان سلطان ،چیئر مین عبد اللہ مجاہد، شاہد شہزاد کھو کھر ، نثار انور ہاشمی ، رائے آصف اور پرسنل سیکرٹری ایم این اے کرامت علی خاں ، ملک محمد سلیم اختر ، جنرل کونسلرز سمیت مسلم لیگی کارکنان ،سو ل سوسائٹی اور شہریوں کی بڑی تعداد نے شرکت کی اور وزیر اعظم محمد نواز شریف کی جلد صحت یابی کے لئے خصوصی دعا کی ،مسلم لیگ ن یوتھ ونگ تحصیل ننکانہ صاحب کے جوائنٹ سیکرٹری رائے نور احمد کھرل کی رہائش گا ہ پر بھی محمد نواز شریف کی صحت یابی اور بخریت واپسی کے لئے خصوصی دعا کروائی گئی ۔
