وزیر اعلی سندھ مراد علی شاہ کہتے ہیں کراچی پاکستان کو چلانے والا انجن ہے،کراچی میں جاری ترقیاتی کام کے باعث ہونے والے مسائل پر شہریوں سے معذرت کرتے ہوئے شہر میں ترقیاتی کاموں کو تیز کرنے کی ہدایت کی ہے۔
سید مراد علی شاہ نے کراچی کے علاقے نیا ناظم آباد میں جیم خانے کے افتتاح کے بعد میڈیا سے گفتگو کرتے ہوئے کہا کہ صوبے میں کھیلوں کی ترقی کےلیے کام کرنا شروع کردیا ہے۔ اگلے پی ایس ایل کا فائنل کراچی میں کرانے کی ہرممکن کوشش کریں گے۔ ان کا کہنا تھا کہ شہر میں جو سڑکیں تباہ ہوگئی تھیں انہیں نئے سرے سے بنارہےہیں ۔ وزیر اعلیٰ سندھ نے ترقیاتی کاموں کے باعث شہریوں کو ہونے والی پریشانی پر معذرت کرتے ہوئے کہا کہ شہر میں ٹریفک کا مسئلہ ضرور ہے جس پر عوام کے تعاون سے ہی قابو پایا جاسکتا ہے۔ مراد علی شاہ نے مزید کہا کہ شہرکے انفرااسٹرکچر کوتباہ کردیا گیا ہے۔ ماضی کی طرف جانا نہیں چاہتے،کراچی ایک ہے، پورے شہر کےلیے کام کریں گے۔
