ملتان (جیوڈیسک) ملتان میں سخی سرور سے جھنگ جانے والی بس تیز رفتاری کے باعث الٹ گئی جس کے نتیجے میں چالیس افراد زخمی ہو گئے، چار افراد کو تشویشناک حالت میں نشتر منتقل کر دیا گیا۔
سخی سرور سے جھنگ جانیوالی زائرین کی بس کو ہیڈ محمد والا کے قریب حادثہ پیش آیا۔ بس تیز رفتاری کے باعث سڑک سے نیچے اتری تاہم سڑک کے کنارے پر زمین نرم ہونے کے باعث بس کے ٹائر دھنس گئے جس سے بس الٹ گئی۔
حادثے کے نتیجے میں چالیس افراد زخمی ہوگئے، امدادی ٹیمیں موقع پر پہنچ گئیں، چھتیس افراد کو موقع پر ہی ابتدائی طبی امداد دے کر فارغ کر دیا گیا جبکہ چار زخمیوں کو تشویشناک حالت میں نشتر ہسپتال کے ایمرجنسی وارڈ میں منتقل کر دیا گیا جہاں ڈاکٹروں کیمطابق زخمیوں کی حالت تشویشناک ہے۔
تاہم دوسری جانب بس ڈرائیور موقع سے فرار ہونے میں کامیاب ہو گیا۔ تھانہ مظفر گڑھ کی پولیس نے تاحال کوئی قانونی کاروائی نہیں کی۔
