پیرس (زاہد مصطفی اعوان سے) فرانس میں موٹر وے پر ڈکیتی، ڈاکووں نے9 ملین یعنی 90 لاکھ یوروز کے زیورات لوٹ لیے۔
تفصیلات کے مطابق فرانس کے ایک موٹر وے پر جیولری لے جانے والی دو ویگنوں کو 15 ڈکیتوں نے لوٹ لیا ہے۔ فرانسیسی میڈیا اور عالمی خبر رساں ادارے کے مطابق پیرس سے قریب 200 کلومیٹر جنوب مغرب میں موٹر وے اے6 پر چوروں نے نیم شب کے قریب ایک ٹول سٹیشن کے نزدیک یہ ڈکیتی کی۔
میڈیا کے مطابق لوٹے گئے زیورات کی مالیت نو ملین یورو یا 11 ملین ڈالرز کے برابر ہے۔ مقامی پولیس کے مطابق اس ڈکیتی کے دوران کوئی زخمی نہیں ہوا۔ پولیس نے متعلقہ علاقے کو گھیرے میں لے کر تلاش کا کام جاری رکھا ہوا ہے۔
