نیویارک……..ہالی ووڈ اداکار جارج کلونی اور جولیا رابرٹس کی نئی فلم منی مونسٹر کا پہلا ٹریلر جاری کر دیا گیاہے۔
نامور پروڈیوسر و ہدایتکار ہ جوڈی فوسٹر کی اس فلم کی کہانی ایک ایسے ٹی وی شو کے گِرد گھوم رہی ہے جس میں ٹی وی پرسن اسٹاک ماہر کے طور پر ناظرین کو مفید پشورے دیتا ہے۔ اس وقت مشہور ٹی وی پرسن مشکل میں پڑ جاتا ہے جب اس کے مشورے کے نتیجے میں ایک بزنس مین اپنی تمام تر دولت سے ہاتھ دھو بیٹھتا ہے اور غصے میں بزنس مین ٹی وی شو کے کریو کو یرغمال بنا لیتا ہے۔لاراایمر ڈین، جارج کلونی اور گراینڈ ہیسلوف کی مشترکہ پروڈیوس کردہ اس فلم میں مرکزی کرداروں میں جارج کلونی اورجولیا رابرٹس دکھائی دینگے جن کے علاوہ فلم کی دیگر کاسٹ میں جیک اوکونل، ڈومینک ویسٹ، کیٹریونا بیلفے، ایمیلی میڈ اور گریٹ لِی شامل ہیں۔30ملین ڈالر لاگت سے مکمل ہونیوالی اس تھرل ڈرامہ فلم کو ٹرائی اسٹارپکچرز کے تحت رواں سال 13مئی کو سنیما گھروں میں نمائش کیلئے پیش کیا جائیگا۔
